Isaya 27:11 - MUMA MALER 2015

¹¹ Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Motingʼo Loko Manyien

¹¹ Ka bedegi osetwo to gimukore oko kendo mon modogi michwakgi. Nimar gin ogendini maonge winjo; omiyo Jachwechgi onge gi miwafu kuomgi, kendo Jachwech ok nyisgi ngʼwono moro amora.

Isaya 27:11 ပူးပေါင်းရင်းမြစ်များ

Zaburi 106:40

Kuom mano, Ruoth Nyasaye nokecho kodgi. Chutho nojok kodgi, kata obedo ni gin joge mane oyiero kamano.

Isaya 1:3

Dhiang’ ong’eyo wuon-go, kendo kanyna bende ong’eyo kund wuon. Jo-Israel to ok ong’eya. Adier, joga awuon onge gi paro!

Isaya 18:5

Ananeg joma dwaro monjou ka pok gichopo, mana ka ng’ama ng’ado bede mzabibu gi ratong’ e kinde ma keyo podi, ma mzabibu osemoyo, kendo olembgi chiegni chiek,

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 43:7

to keluru yawuota gi nyiga, kugolo kuonde maboyo. Adier, kelgiuru kugologi e tung’ piny koni gi koni. Chutho, keluru ji duto ma iluongo gi nyinga, ma asechueyo, kendo asetimo oganda. Gin joma asechueyo, mondo ayud duong’.

Isaya 44:2

An Ruoth Nyasaye ma jachuechu, kendo ma jakonyu, mane olosou chakre e ich, awacho kama: Un joka Jakobo jatichna, ma bende aluongo ni jo-Jeshurun, kik ubed maluor,

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 5:13

Kuom mano, noter joga e tuech e piny mabor kapok gifwenyo ni ginie masira. Kech gi riyo biro nego joma ogen kaachiel gi ji mamoko duto.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Jeremia 11:16

Chon ne aluongogi ni yadh zeituni ma obokene ng’eny, kendo manyago olembe mathoth mabeyo, to koro abiro wang’o obokene kod bedene gi mach mariadore ka mor polo.

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Jeremia 16:5

“Kik idonj e ot miywagoe ng’at motho, to bende kik iywag ng’ato, nimar asegolo kue mara gi herana kod ng’wonona kuomgi. An Ruoth Nyasaye ema awacho kamano.

Jeremia 25:37

kendo miechgi mane nigi kue osedoko gundni nikech mirimbe mager.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 8:7

To kata ogungo mae kor polo ong’eyo ndalogi mag dar, kendo kata akuru gi opija gi nyamnaha bende ong’eyo ndalo ma giduogoe, joga to kia chikena.

Ezekiel 19:12

To ne odhuole oko gi lop tiende gi mirima mager, mi opodho piny. Yamb oro moa yo wuokchieng’ notwoyo olembene. Bedene bende ne otur, kendo otwo, mi owang’ e mach.

Ezekiel 20:47

Nyis bungu man yo milambono ni an Ruoth Nyasaye awacho kama: Abiro moko mach, kendo abiro wang’o yiendi duto motwo, koda ka mago mang’ich! Onge gima noneg majno, to nolandre chakre yo milambo nyaka nyandwat, korewo wenge ji duto.

Ezekiel 9:10

Omiyo koro ok anawe ng’ato kata achiel, bende ok anakechgi.”

Hosea 4:14

To ok nakumgi kuom timbegigo nimar un uwegi ema undhogoru gi mon ma jochode mag hekalu, kendo utimo ni Baal misengni kaachiel kodgi. To ‘Oganda mofuwo yudo masira’, mana kaka ngero wacho.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Mathayo 13:15

nimar chuny ogandani osedoko mapek, kendo gisedino itgi, bende giseumo wang’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokre, giduog ira, kendo achanggi.’

Mathayo 13:19

Ng’at mawinjo wach Loch Nyasaye, to ok donjne, chalo gi kodhi mane olwar e wang’yo. Ng’ama Rach biro, kendo maye gima ochwo e chunye.

Mathayo 3:10

Kata mana kawuono, le oseketi e tiend yien, omiyo yien duto ma ok nyag olemo mabeyo ibiro tong’ oko, mi wit e mach!

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 1:31

Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi.

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.