Isaya 27:10 - MUMA MALER 2015

¹⁰ To dala ma ochiel motegno nodong’ gunda. Enobed dala mojwang’ maonge ng’ama odakie, kendo nolokre thim. Jamni nokwa kuno, ka chamo bede yien.

Motingʼo Loko Manyien

¹⁰ Dala maduongʼ mochiel motegno odongʼ gunda, kama yande ji odakie ojwangʼ ka thim; nyiroye nokwa kanyo bende kanyo ema gini nindie kagiselwero bede yien magitieko.

Isaya 27:10 ပူးပေါင်းရင်းမြစ်များ

Isaya 17:2

Ji ok nodag e mier mage nyaka chieng’, kendo miergo nodong’ mana kuonde ma jamni kwayoe mos ma onge gima thaggi.

Isaya 17:9

E ndalogo miechu mochiel motegno nodong’ nono, mi kethre, mana ka miech jo-Hivi gi jo-Amor mane giweyo ka jo-Israel obiro.

Isaya 24:10

Dala Manono nokethre chuth, kendo ot ka ot nolor mondo joyeko kik donjie.

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Isaya 32:19

Tik gode ma otimo bungu nobed mang’ich maber, kendo mier manie pap nobed gi kue.

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 49:21

Bang’e inipenjri niya, ‘Ere kaka ne ayudo nyithindogi duto, to nyithinda duto ne omaya, mi adong’ maonge gi nyithindo? Adier, ne oriemb joga, mi oter e tuech. Koro en ng’a mane opidhogi, ka an to ne adong’ kenda kamacha? Koso ere kaka ne ayudogi duto?’ ”

Isaya 64:10

Miechi maler kendo madongo duto olokore thim. Kata mana Sayun owuon olokore thim. Adier, Jerusalem osewe gunda.

Isaya 7:21

E ndalogo ka ng’ato nigi roya achiel kod rombe ariyo,

Isaya 7:25

Ji ok nodhi e kor gode ma yande ipuro nikech ginitim pedo gi kuthe, to dhok gi rombe ema nobed ka kwayoe.”

Jeremia 25:37

kendo miechgi mane nigi kue osedoko gundni nikech mirimbe mager.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 52:27

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi moter e tuech.

Ywagruok 1:4

Yore madhi Sayun ywagore, nimar onge ng’ama luwogi, kadhi timo sawo kuno, kendo dhorangeye odong’ nono maonge ji. Jodolo mage omo chunygi malit, kendo nyige isando marach. Mano kaka en gi thagruok malich!

Ywagruok 5:18

nikech got Sayun osejwang’, mi ondiegi ema bayoe.

Ezekiel 36:4

Kuom mano, un gode mag Israel, winjuru gima an Ruoth Nyasaye awacho ni gode madongo gi matindo kendo ni aore kod holni, kaachiel gi kuonde mane owe kokethore kod mier mane odong’ gundni, mane ogendini mokiewo gi jo-Israel oyako kendo onyiero.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.