Isaya 26:8 - MUMA MALER 2015

⁸ Wan bende waluwo yo mondiki e chikeni, kwageni, A Ruoth Nyasaye. Gima chunywa dwaro moloyo en ni mondo nyingi oyud duong’.

Motingʼo Loko Manyien

⁸ Yaye Jehova Nyasaye, wuotho e yore mag chikeni ema warito, nyingi kod duongʼ mari ema chunywa dwaro.

Isaya 26:8 ပူးပေါင်းရင်းမြစ်များ

2 Samuel 23:5

Donge kamano e kaka oda obet e nyim Nyasaye, nikech osetimo koda singruok mosiko, mochan kare, kendo ma ok nyal lokore? Oseguedho gik moko ma konya, kendo ma adwaro.

Zaburi 106:3

Joma orito chikene, kendo ma pile timo gik makare, gin johawi!

Zaburi 130:5

Arito Ruoth Nyasaye gi chunya duto, kendo ageno kuom wachne.

Zaburi 18:23

Aonge gi ketho e nyim Ruoth Nyasaye, kendo aseritora kuom richo.

Zaburi 42:2

A Nyasaye mangima, siso oloya kodi. Dayud thuolo karang’o mondo alem e nyimi?

Zaburi 65:6

Iguro gode gi tekoni mondo gisik kuonde ma iketogie. Mano nyiso tekoni maduong’.

Zaburi 73:25

Ere ng’at moro ma an go e polo mak mana in? Kuom mano, ere gimoro machielo ma anyalo dwaro e piny?

Zaburi 84:2

kendo mano kaka agombo ni mondo abed kuno! Agombo bedo e laru mar Hekalu mar Ruoth Nyasaye, kendo awer matek gi ilo ni Nyasaye mangima.

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Wer Mamit 5:8

A yaye, un nyi Jerusalem, ka uneno jaherana, to yie unyise ni hera ma aherego dwaro nega!

Isaya 12:4

Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

Isaya 24:15

Kuom mano ji mondo omi Ruoth Nyasaye duong’ e pinje man yo wuok chieng’, kendo nying Ruoth Nyasaye ma Nyasach Israel opaki e dhonembe gi chulni man yo podho chieng’.”

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 25:9

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Isaya 26:13

A Ruoth Nyasachwa, ruodhi moko ma ok in osebedo ka ritowa, to koro in kendi ema walami.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 51:4

Winjuru un joga. Chikuru itu, yaye ogandana, nimar abiro golo chik, mi ami adierana bed taya ni ogendini.

Isaya 56:1

Ruoth Nyasaye wacho niya, “Rituru chik, kendo beduru gi timbe makare, nimar piyopiyo nono resruok ma akelo biro, mi timna makare nonere ratiro kolocho.

Mika 4:5

Oganda ka oganda lamo nyasache kendo tiyone. Wan to wabiro lamo Ruoth Nyasachwa, kendo en ema wabiro tiyone nyaka chieng’.

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Malaki 4:4

“Paruru puonj mag Musa jatichna gi chike mane amiye e got Horeb, ni mondo jo-Israel duto oluw.

Kwan 36:13

Mago e chike mane Ruoth Nyasaye omiyo Musa onyiso jo-Israel e piny Moab mamwalo e bath aora Jordan kama omanyore gi Jeriko.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Tich Joote 1:4

Kane pod en kodgi kamano, nowachonigi ni, “Kik ua Jerusalem, to rituru mich mane Wuora osingonu, kendo mane usewinjo ka awuoyo kuome.

Jo-Rumi 8:25

To ka wageno yudo gima pok waneno, to rit ma waritegono nyiso ni wan jokinda.

2 Jo-Thesalonika 3:5

Ruoth mondo omi chunyu omed hero Nyasaye, kendo ubed gi kinda machalo gi kinda mane Kristo nigo.