Isaya 26:4 - MUMA MALER 2015

⁴ Genuru kuom Ruoth Nyasaye nyaka chieng’, nikech Ruoth Nyasaye owuon en lwanda mosiko.

Motingʼo Loko Manyien

⁴ Gen kuom Jehova Nyasaye nyaka chiengʼ, nimar Jehova Nyasaye en Jehova Nyasaye ma Lwanda nyaka chiengʼ.

Isaya 26:4 ပူးပေါင်းရင်းမြစ်များ

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

2 Weche mag Ndalo 32:8

Teko mar dhano ema en go, to wan, Ruoth Nyasaye ma Nyasachwa ema konyowa, kendo kedo lwenjewa.” Kane ji owinjo weche Hezekia ruodh Juda, ne gitimo chir.

Ayub 9:19

Bende datem konyora githwon? To neye kaka oratego! Koso dadonjne? To ng’ama dichune mondo obi e bura?

Zaburi 125:1

Joma ogeno kuom Ruoth Nyasaye, chalo gi got Sayun, mogurore motegno, kendo ma ok nyal ng’ingni.

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 46:1

Nyasaye e kar konyruokwa, kendo e tekowa. En e jakonywa e kinde mag chandruok.

Zaburi 55:22

Ket chandruokni ni Ruoth Nyasaye, to obiro konyi. Ok nowe mondo olo ng’at maber.

Zaburi 62:11

Pile asewinjo ka Nyasaye wacho ni teko duto gin mage,

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Zaburi 62:9

Adier, dhano chalo mana gi muya, kendo onge gima onyalo. Ka ikete e rapim, to ok opek kata matin. Oyot moloyo muya!

Zaburi 66:7

Orito piny gi tekone nyaka chieng’, kendo orango gik ma ogendini timo. Kuom mano kik ji moko tem ni piem kode!

Zaburi 93:1

Ruoth Nyasaye e ruoth adier! Orwakore gi duong’ mar loch, kendo oumore gi teko, mana ka nanga. Adier, piny ogurore motegno, kendo ok nyal ng’ingni.

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Isaya 30:29

To un, unuwer wende mor, mana ka wende miwero e otieno mitimoe sawo maler. Unubed mamor e chunyu, mana kaka jolemo bedo mamor e kinde ma jago asili otelonigi ka gidhi e god Ruoth Nyasaye ma en lwanda mar Israel.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 44:8

Kik ubed maluor, bende kik chunyu nyosre! Donge ne anyisou chon ni gima kama biro timore? Adier, ne ahulo wachno, kendo koro ubedo joneno maga! Bende nitie Nyasaye moro machielo, ma ok mana an? Ooyo, ok ang’eyo Jachuech moro machielo.”

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 45:24

Ji nowach niya, ‘Ruoth Nyasaye kende ema nigi teko, kendo ema miyo ji locho. Ji duto mapiem kode nochung’ e nyime ka wigi okuot.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 51:5

Adiera mara biro machiegni. Ee, resruok ma akelo nenore ratiro. Abiro rito ogendini gi bada motegno, kendo joma odak e pinje manie dhonembe gi chulni biro ng’iya ka gigeno ni abiro ritogi gi tekona.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Rapar mar Chik 33:27

Nyasaye mochwere ma nyaka chieng’ en kar daku, kendo bedene mochwere ema konyou. Noriembonu wasigu, mi ogolo chik mondo oneggi.

Jo-Filipi 4:13

Anyalo chomo gik moko duto tir, kuom teko ma Kristo miya.

1 Samuel 2:2

Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa