Isaya 26:3 - MUMA MALER 2015

³ Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Motingʼo Loko Manyien

³ Inirit gi kwe ngʼatno ma parone oriere tir, nikech ogeno kuomi.

Isaya 26:3 ပူးပေါင်းရင်းမြစ်များ

1 Weche mag Ndalo 5:20

Nyasaye nokonyogi e lweny nikech ne giywakne kane gikedo. Nowinjogi nikech ne gigene, mi ne giloyo jo-Hagri gi ji duto mane jo-Hagri oseriworego.

2 Weche mag Ndalo 13:18

Kamano ne olo jo-Israel chieng’no. Jo-Juda to ne olocho nimar ne gigeno kuom Ruoth Nyasaye ma Nyasach kweregi.

2 Weche mag Ndalo 16:8

Donge jo-Kush gi jo-Libia ne gin oganda maduong’ man gi geche gi joidh farese mang’eny ahinya? To Ruoth Nyasaye nochiwogi e lweti, nimar nigeno kuome,

Zaburi 119:165

joma ohero chikeni nigi kue mar adier, kendo onge gima nyalo miyo gipodhi.

Zaburi 125:1

Joma ogeno kuom Ruoth Nyasaye, chalo gi got Sayun, mogurore motegno, kendo ma ok nyal ng’ingni.

Zaburi 9:10

A Ruoth Nyasaye, joma ong’eyi keto genoo margi kuomi, nimar in ok ijwang’ ng’ato ang’ata moringo obiro iri.

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 26:12

A Ruoth Nyasaye, inimiwa kue, nikech gik moko duto ma wasetimo, in ema itimonwa.

Isaya 27:5

mak mana ka jo-Israel oringo kuoma kaka kar konyruokgi, mi gitimo koda winjruok. Adier, onego gitim koda winjruok.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 32:17

mi kue nosik nyaka chieng’, kendo luoro ok nobedie.

Isaya 32:18

Kamano joga nobed e piny mokue, ka gidak gi mor, ma onge koko.

Isaya 42:19

Ere muofu maloyou, un jo-Israel jotichna? Kata ere ng’ama ite odino moloyou, un jootena ma aoro? Koso ere muofu maloyou un joma atimogo singruok mar kue, kata ma ite odino maloyou un jotich Ruoth Nyasaye?

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 48:2

kata obedo ni upakoru ni un jo-Jerusalem, dala maler, ma nyinge en Ruoth Nyasaye Manyalo Gik Moko Duto kamano.

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Isaya 66:12

Ruoth Nyasaye wacho niya, “Abiro miyo Jerusalem bedo gi kue mamol ka aora, kendo mwandu mag ogendini bende abiro olone, mana ka aora motiak. Unubed mamor mana ka nyithindo midhodho, kendo miiko e bath, kata mipiro e chong.

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Daniel 3:17

To kapo ni Nyasaye ma walamo nyalo resowa e mach kendo e tekoni, to kara obiro resowa.

Daniel 3:28

Nebukadnezar nowacho niya, “Pakuru Nyasach Shadrak gi Meshak kod Abednego! Nende ooro malaika mare moreso joma lame kendo mogeno kuomegi. Ne gidagi winjo chikna, mi giyie tho, kar kulruok piny mondo gilam nyasaye moro amora ma ok mana Nyasachgi.

Daniel 6:23

Kane ruoth owinjo kamano ne obedo gi mor maduong’, mi ogolo chik mondo oywa Daniel oko. Omiyo ne giywaye oko, mi oyud ni onge ngima osetime kata mana matin nono, nikech ne ogeno kuom Nyasache.

Mika 5:5

mi enobed ng’at makelo kue. Ka jo-Asuria omonjo pinywa, mi omwomo miechwa mochiel motegno, to wanaor jotendwa marateke moloyo, mondo oked kodgi,

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Jo-Rumi 5:1

Kaka osemi wabet e winjruok gi Nyasaye nikech wayie, koro wan gi kue kod Nyasaye kuom Yesu Kristo Ruodhwa.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.