Isaya 26:21 - MUMA MALER 2015

²¹ nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Motingʼo Loko Manyien

²¹ To ne, Jehova Nyasaye biro kawuok kare mar dak mondo okum joma odak e piny kuom richogi. Piny noket ayanga remo mosechwer kuome, mi ok noum joge mosenegi.

Isaya 26:21 ပူးပေါင်းရင်းမြစ်များ

Ayub 16:18

In piny, kik ipand gik maricho ma osetimna! Kik iyie ng’ato omi aling’, ka aywak mondo ong’adna bura makare!

Ayub 20:27

Polo nyiso richo mag ng’atni. Piny bende donjone.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Isaya 18:4

To Ruoth Nyasaye nosewachona kama: “Abiro rango piny gie polo kar dakna, ka ayueyo mos, mana kaka piny kue mos ka chieng’ liet, kata ka tho omoko gokinyi e ndalo keyo.

Isaya 22:14

To Ruoth Nyasaye Manyalo Gik Moko Duto osebirona e fweny, mi awinjo ka okuong’ore ni, richou ok nopwodhi nyaka chop thou. Mano e wach Ruoth Nyasaye Manyalo Gik Moko Duto!

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 65:6

Neuru! Wachno osendiki e nyima. Ok abi ling’, to abiro kumou kuom richou, kaachiel gi richo mag wuoneu. An Ruoth Nyasaye ema awacho kamano.

Isaya 65:7

Ne uwang’o ubani e gode duto madongo gi matindo, kukweda, omiyo abiro kwongo pimo pok monego uyudi, eka achulu kaka owinjore!”

Isaya 66:6

Winjuru! Tulo omuoch e dala Jerusalem. Koko winjore e Hekalu! En dwond Ruoth Nyasaye makumo wasike gi kum mowinjore kodgi.

Ezekiel 8:6

Ruoth Nyasaye nomedo wachona niya, “Wuod dhano, bende ineno gik makuero ma jo-Israel timo mondo oriemba adhi mabor gi Hekalu mara? To pod ibiro mana neno gik maricho moloyo mago!”

Luka 11:40

Mano kaka ufuwo! Donge Jal mane ochueyo ng’e gik moko ema nochueyo koda ka igi bende?

Luka 11:50

Kuom mano, tieng’ ma kawuononi biro yudo kum nikech remb jonabi duto mosechuer nyaka ne chue piny,

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 18:24

Babulon ne okum kamano nikech remb jonabi gi remb jo-Nyasaye gi remb ji duto mane osenegi e piny, ne oyud kuome.