Isaya 26:20 - MUMA MALER 2015

²⁰ Un joga, donjuru e uteu, mi ulor dhoudi, mondo upond matin mi mirimb Ruoth Nyasaye kadhi,

Motingʼo Loko Manyien

²⁰ Dhiuru, un joga, donjuru e uteu kendo loruru dhoutu, ponduru kuom ndalo matin nyaka ndalo mar mirimbe kal.

Isaya 26:20 ပူးပေါင်းရင်းမြစ်များ

Chakruok 7:1

Ruoth Nyasaye nowacho ni Nowa niya, “Donj e yie kod joodi duto, nikech aseneno ni in kendi e ng’at makare e nyima kuom ji duto manie piny.

Chakruok 7:16

kaka Nyasaye nochike. Eka Ruoth Nyasaye nolorone dhoot.

Ayub 14:13

A Nyasaye, mad iyie ipanda e piny joma otho, mondo apond kuno nyaka mirimbi kue. Bang’e iket kinde ma ibiro parae kendo.

Zaburi 143:9

A Ruoth Nyasaye, aringo iri mondo irita, omiyo resa e lwet wasika.

Zaburi 17:8

Rita mana kaka dirit wengeni iwuon, kendo panda e tipo bwombeni,

Zaburi 27:5

E kinde mar chandruok to enopanda e ode. Ee, enokana maber e Hekalune, mi oketa ewi lwanda mabor mondo akwo.

Zaburi 30:5

Mirimbe rumo piyopiyo, to ng’wonone osiko mochwere. Kamoro inyalo bedo gi kuyo gotieno, to kochopo okinyi, to iyudo mor.

Zaburi 31:20

Ipandogi kama intie mondo kik ji hinygi. Ee, ipandogi kama ogeng’ore, mondo kik wasikgi yanygi.

Zaburi 32:7

In e kuma apondoe, omiyo ibiro resa e masira. Apaki gi dwol maduong’ nikech iwara kendo irita.

Zaburi 57:1

Kecha, A Nyasaye! Yie ikecha, nikech aringo iri mondo ayud kar konyruok. Ee, ayueyo e tipo mar bwombeni nyaka masiche duto kadhi.

Zaburi 57:2

Aywak ni Nyasaye Maduong’ Moloyo. En e Nyasaye ma miya gik moko duto madwaro.

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Zaburi 91:4

Enoumi gi buombene, mi iyue e tipone gi kue. Adierane biro bedoni ka okumba kod gigi mag lweny.

Zaburi 94:13

nikech imiye yueyo e kinde mag chandruok ka joricho to ichikonigi obadho.

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Isaya 10:25

nimar piyopiyo nono mirima ma koro omaka kodu biro rumo, to gin ema abiro kecho kodgi mi atiekgi.

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Isaya 34:2

nimar Ruoth Nyasaye nigi mirima mager kod ogendini duto, kod jogi mag lweny. Kuom mano osekuong’ogi ni mondo oneggi, mi tiekgi chuth.

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Isaya 51:4

Winjuru un joga. Chikuru itu, yaye ogandana, nimar abiro golo chik, mi ami adierana bed taya ni ogendini.

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Jeremia 31:14

Abiro miyo jodolo gundh gi chiemo mabeyo moloyo, kendo joga noyud gik moko duto ma gichando. An Ruoth Nyasaye ema awacho kamano.”

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Ezekiel 11:16

To koro in Ezekiel, nyis jou moter e tuech ni an Ruoth Nyasaye, awacho ni kata obedo ni ne akeyogi e pinje mamoko mondo gidag e kind ogendini man maboyo, to kindeni ayie mondo gilama e pinje ma gintiego.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Mathayo 6:6

To in, kilemo, to donj e odi kar kendi, ilor dhoot. Eka ilam Wuonu ma ok ne mi Wuonu nogo, maneno gik motim ling’ling’, nomiyi pokni.

2 Jo-Korintho 4:17

nimar thagruok matin mwayudoni rumo piyo, to obiro kelonwa duong’ miwuoro kendo mosiko,