Isaya 26:16 - MUMA MALER 2015

¹⁶ Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Motingʼo Loko Manyien

¹⁶ Yaye Jehova Nyasaye, negimanyi e kinde mane ginie chandruok; kendo kane ikumogi ne gionge gi teko mar lemo.

Isaya 26:16 ပူးပေါင်းရင်းမြစ်များ

Zaburi 142:2

Ahulone gik moko duto mathaga, kanyise chandruokna duto.

Zaburi 27:8

Ne iwacho niya, “Biuru ira.” Omiyo abiro iri, A Ruoth Nyasaye,

Zaburi 42:4

Ka aparo gik mosekadho, to chunya chot, nimar aparo kaka ne atelo ni ji rumbi kane wadhi e od Nyasaye, kendo kaka oganda mamor ne wer, kendo pako Nyasaye matek.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 77:3

Kane aparo Nyasaye, to ne ahum nono, kendo kata kane aparo matut, to chunya nyosore anyosa.

Zaburi 78:34

To kane ochako negogi, joma odong’ nolokore odok ire, kendo olame matek.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Isaya 37:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Jeremia 22:23

Un joma odak Lebanon, moloso kuonde dakgi e yiend sida, unuywag manade ka rem malit ka rem mar muoch ochopo kuomu!”

Jeremia 29:12

Bang’e unuluonga, kendo unubi ulama, mi nadwoku.

Ywagruok 2:19

A malo gotieno mondo iywag matek bang’ seche ang’wen ka seche ang’wen ka jorit lokoree. Weche duto manie chunyi, ol oko ka pi e nyim Ruoth Nyasaye. Ting’ bedeni malo kilame, mondo ores nyithindi ma nong’no tero e wang’yore duto.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Kwan 21:7

Omiyo ji nobiro ir Musa, mowachone niya, “Ne waketho kuom ng’ur ni Ruoth Nyasaye kod in. Yie ikwanwa Ruoth Nyasaye mondo ogol thuonde oko kuomwa.” Kuom mano Musa nokwayonigi Ruoth Nyasaye,

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.

Jong’ad Bura 10:15

To jo-Israel nowacho ni Ruoth Nyasaye niya, “Wayie ni waseketho. Omiyo timnwa kaka ihero. To wahombi mondo ikonywa kawuono.”

1 Samuel 1:15

Hana nodwoke niya, “Ooyo jaduong’, an mana dhako ma chunye chandore. Ok asemadho kong’o kata gimoro ma nyalo mero ji, to achiwo chunya ni Ruoth Nyasaye.