Isaya 26:15 - MUMA MALER 2015

¹⁵ A Ruoth Nyasaye, inimed ogandawa. Ee, inimede kiyaro tong’ pinywa mondo nyingi oyud duong’.

Motingʼo Loko Manyien

¹⁵ Isemedo ogandawa, yaye Jehova Nyasaye, isemedo ogandawa. Iseyudo duongʼ mana ne in iwuon; kendo isemedo tongʼ duto mar pinywa.

Isaya 26:15 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 23:27

To nowacho niya, “Abiro riembo jo-Juda bende mondo oa e nyima, kaka ne ariembo jo-Israel. Abiro jwang’o Jerusalem, dala mane ayiero, kendo abiro wito Hekalu mane awacho ni nyinga nobedie.”

Nehemia 9:23

Nimiyo ginya ka sulue mae polo, kendo nikelogi e piny mane isingori ni inimi kweregi mondo obed margi.

Ayub 12:23

Omiyo ogendini bedo marateke kendo madongo, to bang’e oloyogi, mi okethgi.

Isaya 10:22

Un jo-Israel, kata obedo ni ung’eny ka kuoyo mae dhonam, to ji manok modong’ kuomu kende ema nochak oduogi, nimar Nyasaye oseketo bura makare mabiro tieko joge duto.

Isaya 33:17

Enone Ruoth gi duong’ne duto, kendo norang piny moyarore malach.

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 6:12

ka Ruoth Nyasaye oseriembo ji duto mabor, mi piny Israel olokore gima ojwang’.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 9:3

Yaye Nyasaye, inimi oganda Israel nya, kendo inimi gimed bedo mamor. Ginibed mamor e nyimi kaka ji mor e ndalo keyo, kendo mana kaka ji mor ka pogo gik moyaki.

Jeremia 30:19

Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Jeremia 32:37

Kinde moro anachokgi, kagologi e pinje duto ma nobed ka asekeyogie, ka akecho kendo ka mirimba ger, mi aduoggi ka eri mondo gidagie gi kue.

Ezekiel 36:24

Anagolu e kind ogendini modak e pinje mopogore opogore, mi adwoku e pinyu uwegi.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Kwan 23:10

Ere ng’ama nyalo kwano oganda joka Jakobo, kata manyalo riwo kar romb jo-Israel? Weuru atho kaka joma kare tho, kendo abed achiel kodgi.”

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Johana 15:8

Ka unyago olemo mang’eny, to umiyo Wuora duong’. Kamano unyiso ni un jopuonjrena.

Johana 17:1

Kane Yesu osetieko wacho wechego, nong’iyo polo, mowacho niya, “Wuora, sana koro osechopo. Mi wuodi duong’.

Rapar mar Chik 10:22

Kane kwereu odhi Misri, ne gin mana ji piero abiriyo kende, to koro Ruoth Nyasaye osemiyo unya ka sulue mae polo.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.