Isaya 26:14 - MUMA MALER 2015

¹⁴ Joma otho ok nochak obed mangima. Adier, joma osenindo e liel ok nochak ochier. Mano emomiyo isekumo ruodhigo mi itieko, kendo imiyo wich owil kodgi.

Motingʼo Loko Manyien

¹⁴ To koro jogo osetho kendo koro gionge; chunje moseago ok nochier. Ne ikumogi mi itiekogi maonge ngʼama parogi.

Isaya 26:14 ပူးပေါင်းရင်းမြစ်များ

Ayub 18:17

Humbe orumo e piny, kendo nyinge olal ma onge ng’ama paro.

Ayub 24:20

Onge ng’ama pare, kata mana min mare bende wiye owil kode, kudni chame kendo orumo chuth.’

Ayub 7:9

Kaka bor polo duono kendo olal nono,

Zaburi 106:28

Bang’e jo-Nyasaye ne oriwore e lamo Baal ka gin Peor, kendo ne gichamo misengni motim ni nyiseche maonge ngima.

Zaburi 109:13

Nyikwaye duto mondo otho, mi nyinge lal nono kuom tieng’ mabiro.

Zaburi 135:17

It bende gin go to ok ginyal winjo. Bende gionge gi muya e dhogi.

Zaburi 36:12

Neye kaka joricho opodho! Ogogi piny kanyo, kendo ok ginyal chung’.

Zaburi 59:5

Bi iwuon mondo ine gi wang’i, yaye Nyasach Israel! Chiew mondo ikum ogendini ma ok ong’eyi, kendo kik ikech andhoke ma jorichogo.

Zaburi 9:6

Wasikwa orumo chuth, bende iseketho miechgi, kendo wich owil kodgi mochwere.

Wuok 14:30

Kamano e kaka Ruoth Nyasaye noreso jo-Israel e lwet jo-Misri odiechieng’no. Bang’e jo-Israel noneno jo-Misri koriere e dhonam kosetho.

Ngeche 10:7

Ji nopak nying ng’at makare kosetho. Jaricho to wich wil go.

Eklesiastes 9:5

Chutho, joma ngima ong’eyo ni gibiro tho. Joma otho to ok ong’eyo gimoro kata matin! Onge pok ma gibiro chako yudo, kendo wich owil kodgi chuth.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 26:19

Jogi duto mosetho nochak obed mangima. Adier, ringregi nochier kendo. Joma onindo e lowo biro chier, mi kog gi mor, nimar tekoni biro lor kuomgi mana ka tho ma moko e lum, mi piny nogol joma notho chon oko.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 37:19

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Mathayo 2:20

mowachone niya, “A malo ikaw nyathi kod min mare, idog e piny Israel, nimar joma ne dwaro nego nyathi koro osetho.”

Rapar mar Chik 4:28

Kuondego unulamie nyiseche molos gi yien kata gi kidi, ma ok nyal neno, kata winjo wach, kata chamo gimoro. Tik gimoro bende ok ginyal winjo.

Fweny 20:5

(Joma otho modong’ to ne ok odoko mangima kendo, nyaka higni alufu achiel orumo.)