Isaya 26:11 - MUMA MALER 2015

¹¹ A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Motingʼo Loko Manyien

¹¹ Yaye Jehova Nyasaye, isetingʼo badi malo, to ok gine. We mondo gine geno ma in-go, kuom jogi mi giyud wichkuot, kendo mad mach mokan ne wasiki wangʼ-gi duto.

Isaya 26:11 ပူးပေါင်းရင်းမြစ်များ

Ayub 34:27

nimar gisebaro, mi giweyo luwe, kendo gijwang’o chikene duto.

Zaburi 10:12

A Ruoth Nyasaye, bi mondo iresa. Kik wiyi wil gi joma ithiro.

Zaburi 21:8

Ruodhwa biro mako wasike duto. Obiro mako ji duto mamon kode.

Zaburi 28:5

Ok gidew gik ma Ruoth Nyasaye osetimo, kata gik ma osechueyo. Omiyo obiro kumogi, mi otiekgi chuth.

Zaburi 78:63

Yawuotgi ne onegi e lweny, omiyo ne onge joma kend nyigi.

Zaburi 86:17

A Ruoth Nyasaye, nyisa gima dimi ang’e ni ihera, mondo joma mon koda oyud wichkuot ka gineno ni isekonya, kendo imiya yueyo.

Wuok 9:14

To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 10:16

Kuom mano, Ruoth Nyasaye Manyalo Gik Moko Duto biro kelo tuo kuom jolwej Asuria marateke, chakre e wigi nyaka lith tiendgi, kendo tuo noliel ka mach ei ringregi.

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 11:13

Nyiego mar jo-Israel nolal nono, kendo sadha mar jo-Juda norum. Adier, nyiego ok nomak jo-Israel gi jo-Juda, kendo jo-Juda ok nobed wasik jo-Israel.

Isaya 18:3

Un ji duto modak e piny, unune koting’ bandeche lweny malo ewi gode, kendo unuwinj ka tung’ ywak.

Isaya 37:32

nimar joma nok modong’ nowuog Jerusalem. Adier, oganda mar joma otony noa e got Sayun. Ruoth Nyasaye Manyalo Gik Moko Duto oseketo chunye mondo otim kamano.

Isaya 42:13

Ruoth Nyasaye biro wuok oko ka thwon maratego. Enobed gi mirima mager mana ka jalweny, kendo enokogi ka ogoyo sigich lweny, mi olo wasike.

Isaya 44:18

Joma kamago ok ong’eyo gimoro, bende ok giwinj tiend gik moko. Wengegi odinore ma ok ginyal neno, kendo chunygi thanythany ma ok ginyal fwenyo tiend gimoro.

Isaya 44:9

Joma loso nyiseche manono gin joma nono oloyo, kendo gik ma giherogo ok kony gimoro. Joma lamogi olokore muofni, kendo ok ging’eyo gimoro, omiyo wigi nokuodi.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 44:28

To ji manok kuomu notony e tho, mi dog Juda koa Misri. Bang’e jo-Juda modong’ kuom mago mane obiro Misri nong’e ka wechena kata wechegi ema oselokore adiera.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Mika 5:9

Jo-Israel biro loyo wasikgi mi tiek pep.

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Mika 7:16

Ogendini one honnigo, mondo luoro omakgi, kata obedo ni gitek kamano. Giniling’ thi, kendo ok giniwinj gimoro.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Luka 16:23

Kane en e Piny Joma Otho kisande malit, noting’o wang’e moneno Ibrahim gi kuma bor, kod Lazaro kobet e bathe.

Tich Joote 28:27

nimar chuny ogandani osedoko mapek, kendo gisedino itgi, bende giseumo wng’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokore giduog ira, kendo achanggi.” ’ ”

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Jo-Hibrania 10:27

Gima odong’ en mana kibaji, kwang’eyo ni wachomo bura, gi mirima mager ka mach, ma Nyasaye biro tiekogo joma otamore yie kuome.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

1 Samuel 6:9

kung’iye. Kapo ni ochiko yo madhi thurgi nyaka Beth-shemesh, to wanang’e ni kara Ruoth Nyasaye ema osekelonwa masirani. To ka ok oluwo yorno, eka wanang’e ni ok en ema osandowa, to en gimoro mobironwa abira.”