Isaya 26:10 - MUMA MALER 2015

¹⁰ Jaricho to kata da dhial manade, to pod ok onyal puonjore tim makare, to omedo ameda timo richo e piny ma adiera nitie, ka ok odew duong’ mar Ruoth Nyasaye.

Motingʼo Loko Manyien

¹⁰ Kata obedo ni ngʼwono itimone joricho, to ok gipuonjore tim makare; kata mana e piny joma kare gidhi nyime mana ka gitimo richo, ka ok gichiwo luor ne duongʼ mar Jehova Nyasaye.

Isaya 26:10 ပူးပေါင်းရင်းမြစ်များ

2 Ruodhi 13:6

To kata kamano, ne ok giweyo timbe maricho mag dhood Jeroboam, mane Jeroboam omiyo jo-Israel otimo, to ne pod giluwogi. Kido mar nyasaye ma dhako miluongo ni Ashera bende ne pod ni Samaria.

Zaburi 106:43

Ruoth Nyasaye nokonyo joge ndalo mang’eny, to gin ne gihero mana piem kode, mi richogi odwokogi chien.

Zaburi 143:10

Puonja mondo atim gik mam idwaro, nimar in e Nyasacha. Onego Roho mari bedna mang’won, mi telna e yoo mokue.

Zaburi 69:27

Kumgi kuom richogi duto, kendo kik iwe giyud warruok moa kuomi.

Wuok 8:15

To kane Farao oneno ni oyudo yueyo, wiye nochako obet matek, kendo nodagi wach Musa gi Harun, mana kaka Ruoth Nyasaye nosenyiso.

Wuok 9:30

To ang’eyo ni in kaachiel gi jodongi pod ok uluoro Ruoth Nyasaye.”

Wuok 9:34

Kane Farao oneno ni gigo duto noserumo, nochako oketho, mi chunye, kaachiel gi chuny jodonge nomedo mana bedo matek.

Ngeche 1:32

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko.

Eklesiastes 3:16

Bende aseneno ni e pinyni, kama adiera gi bura onego bedie, to richo ema betie.

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Isaya 1:21

Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Isaya 2:10

Donjuru e buche manie lwendni kata manie lowo, ka uluoro duong’ malich mar Ruoth Nyasaye kod tekone,

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Isaya 32:6

nimar ng’at ma achach nobed kawuoyo ka ng’ama achach adier, kendo chunye ka paro mana timo timbe manono. Gik motimo duto nobed gik maricho, kendo ka owuoyo to owacho miriambo koda ka kuom Ruoth Nyasaye. Omono joma odenyo chamo gik ma onego gicham, bende otamo joma riyo oloyo modho.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Jeremia 31:23

Ruoth Nyasaye ma Nyasach Israel wacho niya, “Ka asedwoko jo-Israel e pinygi, to ginichak giwach e piny Juda gi mier mage kama: ‘Mad Ruoth Nyasaye guedh got maler mar Jerusalem ma en kama ler modakie.’

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 13:6

To kane udonjo e piny maber, ne uyudo gik moromou muyieng’, kendo ne udoko josunga, mi wiu owil koda.

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Mathayo 4:5

Bang’e Satan notero Yesu Jerusalem, Dala Maler, mi okete e osuch Hekalu.

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Fweny 2:21

Ne amiye kinde mondo olok chunye, to otamore weyo terruokne.

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.