Isaya 26:1 - MUMA MALER 2015

¹ Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Motingʼo Loko Manyien

¹ E ndalono wendni nower e piny Juda ni: Wan gi dala maduongʼ man-gi teko; Nyasaye kelo resruok e ohingane gi kuonde molwore.

Isaya 26:1 ပူးပေါင်းရင်းမြစ်များ

Ezra 3:11

Ne giolo wer, ka gipako kendo gigoyo erokamano ni Ruoth Nyasaye niya, “En erokamano, nimar herane kuom jo-Israel osiko nyaka chieng’.” Ji duto nopako Ruoth Nyasaye gi duol maduong’ nikech mise mar Od Ruoth Nyasaye noseketi.

Zaburi 31:21

Pakuru Ruoth Nyasaye! Mano kaka nonyisa herane miwuoro, kane wasika olwora momonja.

Zaburi 48:12

Wuothuru e got Sayun, kendo lworeuru, kukwano kuonde moger maboyo mag ng’icho

Zaburi 48:4

Ruodhi nochokore kanyakla, mi obiro mondo omonj got Sayun.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 2:20

Adier, chieng’ ma Ruoth Nyasaye oa malo mondo oyieng piny, to nyiseche manono mane ji oseloso gi fedha kod dhahabu, giniwit ni olwende kod oliktiga

Isaya 25:9

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Isaya 31:5

Bende kaka winyo huyo but ode, ka rito nyithinde, e kaka Ruoth Nyasaye Manyalo Gik Moko Duto nobed karito Jerusalem. Ee, norite kendo nokonye, bende norese.”

Isaya 31:9

Kihondko nomak jodonggi, mi dhier nono, kendo jotendgi mag lweny bende kibaji nogo ma ok nyal ringo. Mano e wach maradier mar Ruoth Nyasaye, ma maye omoki Sayun. Adier, maye ng’ang’ni Jerusalem.

Isaya 33:5

Ruoth Nyasaye duong’ moloyo, nikech odak e polo malo. Opong’o Sayun gi adiera kod tim makare,

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 5:1

Abiro wero ni jaherana wenda mar hera, ma awerego puothe mar mzabibu. Jaherana ne nigi puoth mzabibu e bath got kama omew.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Ezekiel 40:5

Gima ne aneno ne en Hekalu, kendo ne nitie ohinga molwore. Ng’at mane aseneno cha nogolo rapim mar bao ma borne mita adek, mi opimogo ohinga. Borne noromo mita adek to lach mar kore bende mita adek.

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Kwan 21:17

“Chieng’no ema jo-Israel nowerie niya, In soko, bubni oko! Waweruru ni soko!

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.