Isaya 25:9 - MUMA MALER 2015

⁹ Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa,

Motingʼo Loko Manyien

⁹ E kindeno giniwach ni, “Adier ma en Nyasachwa; ne wageno kuome, kendo ne oresowa. Ma en Jehova Nyasaye, ne wageno kuome; wabeduru gi mor kendo gi ilo kuom warruokne.”

Isaya 25:9 ပူးပေါင်းရင်းမြစ်များ

Chakruok 49:18

“A Ruoth Nyasaye, arito warruok moa kuomi!

Zaburi 100:1

Un ogendini duto mae piny weruru ni Ruoth Nyasaye gi mor.

Zaburi 20:5

Eka wanago koko gi mor nikech iseloyo lweny, kendo wanabed moil kwapako Nyasaye. Onego Ruoth Nyasaye winj kwayoni duto!

Zaburi 21:1

A Ruoth Nyasaye, ruodhwa mor nikech teko mane imiye. Oil ahinya nikech ne imiyo oloyo lweny.

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Zaburi 33:20

Waketo genowa kuom Ruoth Nyasaye. En jakonywa kendo e okumbawa.

Zaburi 33:21

En ema omiyowa mor, nikech wageno kuom nyinge maler.

Zaburi 40:17

An jachan, kendo ok anyal yudo kaka akonyora, to yie ipara in Ruoth Nyasaye. In e jakonyna kendo jawarna. Kik ideki, yaye Nyasacha!

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Zaburi 95:1

Biuru wapak Ruoth Nyasaye gi wer. Waweruru gi mor ni jaritwa kendo jawarwa!

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 64:4

It pok owinjo kata wang’ pok oneno nyasaye moro ma rito joge mogeno kuome, to mak mana in.

Isaya 65:18

Emomiyo beduru mamor kendo moil nyaka chieng’ gi gik ma achueyo, nimar achueyo Jerusalem obed dala makelo mor, kendo achueyo joma odakie mondo obed joma oil.

Isaya 8:17

Arito Ruoth Nyasaye ma pando wang’e ni joka Jakobo, ka ageno mana en.

Mika 7:7

An to abiro manyo Ruoth Nyasaye. Abiro rito Nyasaye jawarna, kendo Nyasacha biro winjo wachna.

Habakuk 3:18

to pod anamor amora kuom Ruoth Nyasaye, kendo anabed moil kuom Nyasaye jawarna.

Zekaria 10:7

Jo-Israel nochal gi jolweny marateke, bende ginibed moil ka joma ometho. Nyithindgi none kamano, mi bed mamor, kendo ginipak Ruoth Nyasaye gi ilo.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Luka 2:25

E kindeno ne nitie ng’at moro Jerusalem, ma nyinge Simeon. Ne en ng’at makare, moluoro Nyasaye, kendo nogeno ni Mesia biro biro reso Israel. Roho Maler ne ni kode,

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Tito 2:13

kendo warito gueth ma wageno yudo, ma en fwenyruok mar duong’ maler mar Kristo Yesu, Nyasachwa maduong’ kendo Jawar.

1 Petro 1:6

Beduru mamor kuom wachno, kata obedo ni usebedo kuchandoru kuom tem mopogore opogore kuom kinde matin.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

2 Petro 3:12

ka urito chieng’ Nyasaye, kendo utiyo mondo orure piyo? En chieng’ ma polo nowang’ie mi rum pep, kendo gik manie kor polo noleny nono e mach.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.

Fweny 22:20

Jal manyiso wechegi duto wacho niya, “Adier, abiro piyo!” Obed kamano! Bi, Ruoth Yesu!