Isaya 25:8 - MUMA MALER 2015

⁸ Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Motingʼo Loko Manyien

⁸ kendo enotiek tho chuth. Jehova Nyasaye Manyalo Gik Moko Duto biro yweyo pi wangʼ ji duto; mi nogol ajara kuom joge e piny duto. Jehova Nyasaye ema osewacho.

Isaya 25:8 ပူးပေါင်းရင်းမြစ်များ

Zaburi 116:8

Oseresa e tho, kendo omiyo aweyo ywak, bende osekonyo tienda mondo kik chwanyre.

Zaburi 69:9

Hera ma aherogo Hekalu mari wang’o chunya ka mach, kendo ayany ma ji yanyigo ema koro iyanyago.

Isaya 26:19

Jogi duto mosetho nochak obed mangima. Adier, ringregi nochier kendo. Joma onindo e lowo biro chier, mi kog gi mor, nimar tekoni biro lor kuomgi mana ka tho ma moko e lum, mi piny nogol joma notho chon oko.

Isaya 30:19

Un jo-Sayun modak Jerusalem, ok unuchak uywagi. Ruoth Nyasaye biro ng’wononu, kendo obiro dwokou ka owinjo ywaku.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 37:3

mondo odhi owachne niya, “Hezekia owacho ni kawuono en chieng’ dhier gi kum kod wichkuot. Wachalo gi dhako ma muoch kayo, to onge muya mocholgo nyathi.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Isaya 60:15

Isebedo dala mojwang’ kendo ma ji ochayo, maonge ng’ama lim, to koro abiro miyo ibedo dala man gi duong’ mosiko, ma kelo ni ji mor ma ok rum.

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Isaya 65:19

Abiro bedo mamor gi Jerusalem, kendo abiro bedo moil nikech joga. “Ywak kod ywagruok ok nochak owinji e Jerusalem,

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Jeremia 31:16

Ling’ iwe ywak, kendo ywe pi wang’i, nimar niyud pok nikech gik misetimo ni nyithindi. Gibiro duogo ka gia e piny wasigu. An Ruoth Nyasaye ema awacho kamano.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Luka 1:25

“Gima otimorenani, Ruoth ema otimo. Osetimona ng’wono mondo ogolna wichkuot ma asebedogo e nyim ji.”

1 Jo-Korintho 15:26

To jasigu ma notiek mogik en tho,

1 Jo-Korintho 15:54

Kuom mano, ka ringruok matow oserwakore gi ringruok ma ok tow, kendo ka gima tho oserwakore gi gima ok tho, eka weche mondiki e Muma nochop kare niya, “Tho oselo, motiek chuth!

2 Timotheo 1:10

To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.

Fweny 20:14

Eka Tho gi Piny Joma Otho ne owit e ataro mar mach. Ataro mar machno en tho mar ariyo.

Fweny 21:4

Enoywe pi wang’gi duto, kendo tho kata ywak kata nduru kata rem ok nochak obedie nikech gik machon noserumo.”

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”