Isaya 25:4 - MUMA MALER 2015

⁴ nikech isebedo kar konyruok ni ng’at modhier machandore. Ee, in e kar bwogo koth, kendo e tipo ma geng’o chieng’ e ndalo ma joma ger monjowa ka koth machwe maduong’ e ndalo chiri,

Motingʼo Loko Manyien

⁴ Isebedo kar pondo ne jochan, kar gengʼruok ne jodhier manie lit, kar bwok ka ahiti kudho, kendo kar tipo ka chiengʼ kech. Nimar muya mar janjore chalo mana ka ahiti makudho kochomo ohinga,

Isaya 25:4 ပူးပေါင်းရင်းမြစ်များ

Zaburi 107:41

Oreso jochan kuom chandruokgi, kendo omiyo ginya mang’eny.

Zaburi 119:31

Asemako chikeni matek, yaye Ruoth Nyasaye, kik iyie wiya kuodi.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 121:5

Ruoth Nyasaye biro teloni. En e bathi korachwich ka oriti.

Zaburi 35:10

Omiyo abiro wacho ni Ruoth Nyasaye gi chunya duto niya, “Onge ng’at moro machal kodi! Ireso joma nyap kuom joma rateke, bende ikonyo jochan kuom joma thirogi.”

Zaburi 55:8

Da areto, mondo ayud kama abwokie, mondo yamo mager gi koth morweyo kik hinya.

Zaburi 72:13

Okecho joma ithiro kendo modhier, bende oreso ngima jochan.

Zaburi 72:4

Ruoth onego ong’ad bura kare ni joma chandore, kendo okony jochan, mi olo joma thirogi.

Zaburi 9:10

A Ruoth Nyasaye, joma ong’eyi keto genoo margi kuomi, nimar in ok ijwang’ ng’ato ang’ata moringo obiro iri.

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Isaya 16:3

Giniwach niya, “Konywauru gi tekou duto, kendo tipou mondo ogeng’nwa chieng’ makech’ mondo ochalnwa ka gima en otieno. Panduru jowa ma oseriembi, kendo kik uyie mondo omak joma oringo lweny.

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Isaya 27:5

mak mana ka jo-Israel oringo kuoma kaka kar konyruokgi, mi gitimo koda winjruok. Adier, onego gitim koda winjruok.

Isaya 28:6

Enomi jong’ad bura mau bed gi chuny mar ng’ado bura gi adiera, kendo enomi jolwenju ma kedo matek gi wasigu e dhorangeyeu bed gi chir mathoth.

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Isaya 29:20

Joma ger norum, kendo josunga ok nobedie, mi jogo duto ma timbegi mono notieki.

Isaya 29:5

To oganda maduong’ ma kedo kodi nochal gi buru. Adier, oganda magerno nochal gi mihudhi ma yamo tero.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Isaya 49:25

An Ruoth Nyasaye to adwoko niya, “Joma otue nogol kata mana kuom ng’at maratego, kendo joma omaki bende nores kuom ng’at makwiny. Anaked gi jogo duto ma kedo kodi, mi ares nyithindi e lwetgi.

Isaya 57:13

Nyisecheni manonogo ok nokonyi ka iywak. Adier, onge nyasaye moro amora ma noresi. Yamo notergi mabor giduto. Ee, kata mana muya matin nono nokudhgi, mi tergi mabor. To joma oloka kar konyruokgi nokaw piny, kendo goda maler nobed mwandugi.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 8:14

En e Kar Ler, kendo e kidi ma chwanyo ji. Adier, en e lwanda mamiyo pinje jo-Israel ariyo duto podho. Chutho en e obadho mamako jo-Jerusalem.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Ezekiel 38:9

In gi jogi mag lweny, kod ogendini mang’eny man kodi, numonj pinyno mana ka yamb ahiti, kendo unuume mana ka rumbi.”

Zefania 3:12

To joma nawe nobed joma odhier kendo mathagore.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?