Isaya 25:11 - MUMA MALER 2015

¹¹ Kanyo ema jo-Moab norieye bedegi mana kaka ng’ama goyo abal rieyo bedene ka kwang’, to Nyasaye notiek sungagi, kaachiel gi gimoro amora ma lwetgi oseloso.

Motingʼo Loko Manyien

¹¹ Giniyar badgi kuome, mana kaka ngʼama goyo abal yaro bedene ka kwangʼ. Nyasaye biro tieko sungagi kata obedo ni lwetgi riek e yor goyo abal.

Isaya 25:11 ပူးပေါင်းရင်းမြစ်များ

Ayub 40:11

Eka irang jogo masungore, mondo iol kuomgi mirimbi mager, omi gibolre.

Zaburi 2:5

Owuoyo kodgi kokecho, kendo obwogogi ka en gi mirima.

Isaya 10:33

To neuru kaka Ruoth Nyasaye Manyalo Gik Moko Duto nego wasike mana kaka mil polo lwero yien. Onego jotelo gi joma moko duto, mana ka ng’at ma tong’o yien, mi yien maboyo podhi, kendo kata mana mago madongoe moloyo kulre piny.

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Isaya 14:26

Mano e wach ma aseiko ni piny ngima, kendo abiro rieyo bada kuom ogendini duto mondo otimre,

Isaya 16:14

To koro owacho niya, “Bang’ higni adek, ma ok okadho ngang’, duong’ mar Moab norum, kendo ji manok marichoricho ema notony kuom joge mang’enygo.”

Isaya 16:6

Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Isaya 2:10

Donjuru e buche manie lwendni kata manie lowo, ka uluoro duong’ malich mar Ruoth Nyasaye kod tekone,

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 2:15

gi kuonde mochiel motegno mag siro lweny, kod ohinga maboyo duto.

Isaya 25:5

kata ka chieng’ marieny mager e ndalo oro. In ema itieko koko mar wasikwa mager, mana kaka boche polo geng’o liet mar chieng’, mi wer ma wasikwago chayowago lal nono.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 65:2

Ne arieyo bada odiechieng’ duto, ka ahombo joma wigi tek, mane luwo mana yoregi maricho, katimo dwarogi giwegi.

Jeremia 48:29

Jo-Moab gin josunga! Asewinjo kaka gisungore kendo gipakore ka gijaro ji, kendo giparo ni gin kende ema giloyo ji moko duto.

Jeremia 48:42

Jo-Moab ibiro tieko chuth, mi ok ginichak gibed oganda kendo, nikech ne gitamore winjo chikna.

Jeremia 48:47

To e ndalo ma biro anami jo-Moab dhi nyime maber kendo.” Mano e bura ma Ruoth Nyasaye oseng’ado ni jo-Moab.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Jo-Kolosai 2:15

To bende e msalabano ema ne Kristo omayoe joloch kod joteko teko duto mane gin go, kendo koselocho to nomiyogi wichkuot, kosembogi e lela ka wasumbe mondo ji onegi.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”