Isaya 24:6 - MUMA MALER 2015

⁶ Mano emomiyo kuong’ biro mwonyo piny, kendo joma odakie none chandruok nikech richogi, bende ginilal nono, mak mana ji manok kende ema nodong’.

Motingʼo Loko Manyien

⁶ Kuom mano kwongʼ osetieko piny kendo joma odakie nyaka yud kum kuom richogi. Omiyo joma odak e piny osewangʼ mi manok ema odongʼ.

Isaya 24:6 ပူးပေါင်းရင်းမြစ်များ

2 Ruodhi 24:12

mi piny nohewo Jehoyachin, mochiwore ni ruodh Babulon, kaachiel gi min mare, gi jong’adne rieko, gi jodonge kod jotende. Nomake e higa mar aboro mar loch ruodh Babulon.

2 Ruodhi 25:12

To joma odhier ahinya, mane onge gi gimoro, noweyo e piny Juda mondo oti e puothe mzabibu, kendo e puothe mamoko.

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 34:5

To ka ligangla mar Ruoth Nyasaye osetieko tichne e polo, to obiro lwar kuom jo-Edom, ma en oganda ma osekuong’o mondo otieki.

Isaya 43:28

Jodongu bende ne omiyo Hekalu mara odoko mogak. Mano omiyo ne ajwang’o jo-Israel ma nyikwa Jakobo mondo otieki, mi yud wichkuot.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 5:14

An Ruoth Nyasaye Manyalo Gik Moko Duto abiro nyisi, in Jeremia, gima biro timore ni jogi nikech gik ma gisewachogo. Abiro loko wechena mawuok e dhogi obed mach, to jogi abiro loko yien mondo mach owang’gi pep.

Ezekiel 5:3

To kaw yiergo moko matin, mondo itue e riak lawi.

Tim jo-Lawi 26:22

Anaor ondiegi mondo omak nyithindu, mi ginineg jambu kendo ginimi udong’ manok, bende wang’ yore duto muluwo notho.

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

Malaki 3:9

Omiyo okuong’u uduto, nimar oganda duto osemaya giga.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Malaki 4:6

mondo ochak okel winjruok e kind wuone gi nyithindo, nono to abiro, mi aketho pinyu chuth!”

Mathayo 27:25

To ji duto nodwoko niya, “Rembe mondo obed e wiwa, kendo e wi nyithindwa.”

Mathayo 7:14

To yo madhi e ngima diny, bende rangach midonjogo tin, kendo joma nwang’e nok.

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Rapar mar Chik 28:62

Kata obedo ni ung’eny ka sulue manie polo kamano, to ji manok kuomu kende ema nodong’ nikech ne ok uwinjo wach Ruoth Nyasaye ma Nyasachu.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.