Isaya 24:23 - MUMA MALER 2015

²³ Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Motingʼo Loko Manyien

²³ Dwe norieny matip-tip kendo wangʼ chiengʼ noimre nikech Jehova Nyasaye Maratego, nogur lochne kod duongʼne e Got Sayun kod Jerusalem e nyim jodongo.

Isaya 24:23 ပူးပေါင်းရင်းမြစ်များ

Zaburi 97:1

Ruoth Nyasaye e ruoth adier! In piny, bed mamor! Un pinje manie dier nam, bende beduru gi ilo.

Wuok 15:21

Miriam nowernigi niya: “Weruru ni Ruoth Nyasaye, nikech oseyudo duong’ mipako ahinya! Osewito farese gi joithgi e nam!”

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 33:17

Enone Ruoth gi duong’ne duto, kendo norang piny moyarore malach.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Isaya 60:1

In dala Jerusalem, a malo! Rieny nikech lerni osechopo, kendo duong’ maler mar Ruoth Nyasaye oselor kuomi.

Isaya 60:19

Wang’ chieng’ ok nochak obedni ler mar odiechieng’, kata due ok nochak orienyni gotieno, to Ruoth Nyasaye ema nobedni ler mosiko. Nyasachi nobedni duong’ maler.

Isaya 60:20

Wang’chieng’ ok nochak opodhi, kendo dueyi bende ok notho, nikech Ruoth Nyasaye ema nobedni ler mosiko, mi ndaloni mar ywak norum.

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Daniel 7:18

To jo-Nyasaye Maduong’ Moloyo biro yudo loch mar rito piny, kendo ginisik gi lojno nyaka chieng’.”

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:15

Wang’ chieng’ gi due olokore mudho, kendo sulue bende ok rieny.

Obadia 1:21

Jo-Israel biro dhi e got Sayun mondo oresi, mi god Esau nobed e bwo lochgi. To Ruoth Nyasaye ema nobed ruoth.

Mika 4:7

Ging’ol kendo osedargi mabor gi pinygi, to kata ginok kamano, to abiro miyo gibed oganda maduong’, kendo abiro bedo ruodhgi e got Sayun, chakre chieng’no nyaka chieng’.”

Zekaria 14:6

Chakre chieng’no koyo gi pe ok nobedie.

Zekaria 14:7

Otieno bende ok nobedie, to piny nosik mana odiechieng’ lilo, kendo kata ka piny olokore odhiambo to ler nosik asika. Ruoth Nyasaye kende ema ong’eyo ndalo ma gigo biro timoree.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 6:10

Lochni mondo obi, kendo dwaroni mondo otimre e piny kaka timore e polo.

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 14:1

Eka ne ang’icho, mi aneno Nyarombo kochung’ e got Sayun. Ne en gi ji alufu mia achiel gi piero ang’wen gang’wen, (144,000) kendo nyinge owuon gi nying Wuon mare nondiki e lela wang’ jogo.

Fweny 19:4

To jodongo piero ariyo gang’wen gi gik mangima ang’wen kande, nopodho piny mi olamo Nyasaye mobet e kom duong’, kawacho ni, “Ber mondo obed kamano! Opak Nyasaye!”

Fweny 19:6

Bang’e ne achako awinjo gima chalo gi koko oganda mang’ongo, kendo machalo gi pige mang’eny kawuo, bende machalo gi polo mamor matek, kawacho niya, “Opak Nyasaye! Ruoth Nyasachwa Manyalo Gik Moko Duto osekawo lochne.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.