Isaya 24:21 - MUMA MALER 2015

²¹ Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Motingʼo Loko Manyien

²¹ E kindeno Jehova Nyasaye nokum teko duto manie polo malo, kaachiel gi ruodhi duto manie piny.

Isaya 24:21 ပူးပေါင်းရင်းမြစ်များ

Zaburi 76:12

En ema omiyo jodongo bolore, kendo obwogo ruodhi madongo mag piny.

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,

Isaya 13:11

Abiro kelo masira e piny, kendo abiro kumo joma timbegi mono kaka owinjore, mondo ng’ayi mag josunga orum, kendo athir nyadhi mag joma wang’gi tek.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 24:4

Piny notwo kendo gik mantie noner. Adier, piny duto noner kendo notwo, koda ka kuonde moting’ore duto.

Isaya 60:11

Dhorangeyeni biro siko koyaw, kendo ok nochieggi godiechieng’ kata gotieno, mondo ji okelni mwandu mag ogendini, ka ruodhigi otelonigi.

Ezekiel 39:1

Ruoth Nyasaye nowachona niya, “Wuod dhano, kwed Gog, ruoth maduong’ mar ogendini mag Meshek kod Tubal, kinyise ni an Ruoth Nyasaye awacho kama: Gog, an jasiki.

Ezekiel 39:5

Adier, unutho mana oko e pap. An Ruoth Nyasaye ema awacho kamano.

Joel 3:19

Piny Misri biro lokore thim, kendo piny Edom nolokre thim modong’ nono, nikech jopinjego nomonjo piny Juda, mochuero remb joma onge gi ketho.

Zefania 1:8

Owacho niya, “Ka chieng’ ma atimoe misango ochopo, to anakum joka ruoth kod jotendgi madongo, kaachiel gi joma luwo timbe jopinje mamoko.

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.