Isaya 24:20 - MUMA MALER 2015

²⁰ Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Motingʼo Loko Manyien

²⁰ Piny thembo ka jakongʼo, kendo ohukni ka kiru ma yamo yiengo, kethruok kod timbene mamono omiyo opodho ma ok nochak oa malo.

Isaya 24:20 ပူးပေါင်းရင်းမြစ်များ

Chakruok 41:31

Ji ok nopar higni abiriyo mag yieng’ogo, nikech kech maluweno nobed mager miwuoro.

Ayub 12:25

ka gimulo e mudho mandiwa, kendo ka gitagore ka joma omer.

Zaburi 107:27

Ne gipuore kendo gitagore ka joma omer. Riekogi duto ne ok nyal konyogi.

Zaburi 38:4

Achako nyumora e ataro mar richona. Pek mar richona ohewa ting’o.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 1:8

Sayun kende ema odong’, ka kiru mar jorito modong’ e puodho bang’ keyo. En dala ma wasigu olworo koni gi koni.

Isaya 19:14

Ruoth Nyasaye osemiyogi chuny mar fuwo. Emomiyo rieko duto ma ging’ado obam, kendo gimiyo jo-Misri kier e gik moko duto ma gitimo, mana kaka ng’at momer kier e ng’okne.

Isaya 24:1

Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 29:9

Nenore ni udhier nono. Ara galreuru agala kanyo! Meruru amera, to ok gi divai, bende tagreuru ataga to ok nikech kong’o.

Isaya 38:12

Osepudh oda, mi owit kucha, mana kaka ipudho kiru mar jakwath. A Ruoth Nyasaye, iseng’ado ngimana machiek mana kaka jatueng’o dolo usi, kendo ng’ado. Isanda, chakre okinyi nyaka odhiambo,

Isaya 43:27

Kwaru mokwongo ne otimo richo, kendo jonabiu ne opiem koda.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 4:24

Ne arango gode madongo, maneno ka giyiengni; kuonde moting’ore bende ne rundore koni gi koni.

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Jeremia 8:4

In Jeremia, wach ni joga ni an Ruoth Nyasaye awacho kama: “Ka ng’ato opodho, to donge ochako ochung’? Koso ka ng’ato obaro moweyo yo, to donge oduogo e yo kendo?

Ywagruok 1:14

Osedhogo richona kuoma gi lwete owuon. Adier, ne oketo jok mare e ng’uta, mi pek mar jokno otieko tekra. Ruoth Nyasaye osejwang’a e lwet wasika, kendo ok anyal sirogi.

Daniel 11:19

Enoring mi odog e mier mochiel motegno e pinye owuon, to noloye kuno, mi mano nobed rumbe chuth.

Amos 8:14

Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Fweny 18:21

“Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’!