Isaya 24:18 - MUMA MALER 2015

¹⁸ Ka uringo masira, to ununyumru e bur, kendo ka utony mak unyumoru e bur, to obadho nomaku, nikech masira biro lwar kuomu koa e polo, kendo piny duto noyiengni marach.

Motingʼo Loko Manyien

¹⁸ Ngʼama notem ringo kowinjo mahu mar masira nolwar e bur, kendo ngʼama notem wuok e burno nolwar e obadho. Dhorangeye mag polo noyawre, kendo mise mag piny noyiengni.

Isaya 24:18 ပူးပေါင်းရင်းမြစ်များ

Chakruok 19:24

Eka Ruoth Nyasaye nooro mach gi kite maliel mowang’o Sodom gi Gomora.

Chakruok 7:11

Due apar gabiriyo, due mar ariyo, kane Nowa jahigni mia auchiel, sokni duto moa e nam mang’ongo manie bwo piny nomuoch, kendo dirise duto mag polo noyawore,

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

Ayub 20:24

Ka otemo ringo mondo oyomb ligangla mar nyinyo, to asere mar mula chwowe.

Zaburi 18:15

Kane Ruoth Nyasaye okudho ka yamb nyakoyi, kendo okwero wasike, to mise mag piny noelore, kendo kude mag nam nofwenyore.

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Zaburi 18:8

Iro nodum kawuok e ume, kendo mach mang’ang’ni nowuok e dhoge.

Eklesiastes 9:12

Ng’ato ok nyal ng’eyo sa ma kindene chopoe, nimar wachalo rech ma tol omako, kata winy ma omoko e wino. Adier, wamoko e sa marach ka ok wang’eyo kata matin.

Isaya 13:13

Chieng’no Ruoth Nyasaye nokech malich, mi polo notetni, kendo piny noyiengni mi leng’re.

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 2:21

mi ginidonj e buche manie lwendni kendo manie kor gode maboyo, ka giluoro duong’ malich mar Ruoth Nyasaye kod tekone.

Isaya 42:22

To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Isaya 8:14

En e Kar Ler, kendo e kidi ma chwanyo ji. Adier, en e lwanda mamiyo pinje jo-Israel ariyo duto podho. Chutho en e obadho mamako jo-Jerusalem.

Jeremia 48:43

Masiche gi bugni kod obadho ema ochomogi. An Ruoth Nyasaye ema awacho kamano.

Jeremia 48:44

Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Ywagruok 3:47

Luoro kod obadho oritowa, kendo kethruok gi masira ochomowa.

Ezekiel 11:8

Ang’eyo ni uluoro lweny, to lweny muluorono ema abiro kelonu.

Ezekiel 12:13

Anayar tonda, mi amakego. Bang’e anatere e dala mar Babulon e piny jo-Kaldea, kuma enothoye ka ok oneno dalano gi wang’e.

Ezekiel 15:7

Kata obedo ni gisetony e mach, to koro mach biro wang’ogi pep. Ka asekumogi kamano, to eka unung’e ni an e Ruoth Nyasaye.

Amos 5:18

Un joma ofuwo ma dwaro mondo chieng’ Ruoth Nyasaye obi, uparo ni chieng’no nokelnu ang’o? Ok nobed chieng’ ler, to nobed mana chieng’ mudho!

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!