Isaya 24:14 - MUMA MALER 2015

¹⁴ Ji biro ywak matek yo podho chieng’, ka gikok niya, “Mano kaka duong’ mar Ruoth Nyasaye ng’ongo!

Motingʼo Loko Manyien

¹⁴ Gitingʼo dwondgi malo, ka gigoyo koko gimor koa yo podho chiengʼ, kendo ka gihulo teko mar Jehova Nyasaye.

Isaya 24:14 ပူးပေါင်းရင်းမြစ်များ

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 26:1

Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Isaya 27:2

Chieng’no wer ma nower ema: “Israel e puodho maber mar mzabibu.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 54:1

Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Isaya 60:5

Kineno kamano to inibed mamor, mi chunyi pong’ gi ilo. Mwandu mogundho mag ogendini mopogore opogore nokelni gi yiedhi.

Jeremia 30:19

Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Jeremia 51:10

Jo-Israel owacho ni Ruoth Nyasaye osenyiso ni gin joma kare. Omiyo giwacho niya, ‘Wadhiuru Sayun mondo walandie gik ma Ruoth Nyasachwa osetimo.’ ”

Zekaria 2:10

Ruoth Nyasaye wacho kama: “Un jo-Sayun, koguru matek, kendo beduru mamor, nikech abiro mondo adag e kindu.”