Isaya 24:11 - MUMA MALER 2015

¹¹ Ji noywagre e wang’yore nikech divai nobed maonge. Tuke duto bende norum, kendo mor nobed maonge e piny.

Motingʼo Loko Manyien

¹¹ Ji ywagore e wangʼ yore nikech divai onge, mor duto olokore kuyo, piny duto odongʼ gi lit.

Isaya 24:11 ပူးပေါင်းရင်းမြစ်များ

Zaburi 144:14

Dhowa bende mondo onywolre mang’eny, maonge mobuogo kata motho. Onego nduru moro kik gore e gweng’wa.

Ngeche 31:6

Joma tho, kendo joma chunygi lit ema mondo imi kong’o,

Isaya 16:10

Mor kod ilo norum chuth e puotheu mabeyo, kendo onge wer ma nower e puotheu mag olembe, bende onge ng’ama nogo koko gi mor. Ok unuchak ubi mzabibu kuonde bicho, kendo mahu mag mor mugoyo e ndalo keyo biro rumo.

Isaya 32:10

E sani pod onge gima badhou, to bang’ higa achiel gi ndalo moko manok, unubed gi kibaji, nikech cham ok nochiegi, omiyo ok nuyud gima ukayo.

Isaya 32:13

Kudho kod pedo ema biro gawore e puothe joga, nimar ot ka ot ma yande mor nitie e dalau maduong’, nodong’ nono.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 46:12

Ogendini osewinjo ni wiu okuot, kendo ywaku opong’o piny. Jolweny gangore kuom jowetegi, kendo giruombore piny giduto.”

Jeremia 48:33

Mor gi ilo osegol e piny Moab momewni. Divai tinde ok mol kuonde bicho, kendo onge joma odong’ ma dikog gi mor ka loso divai.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Joel 1:12

Yien duto osetwo. Adier, komamanga gi othidhe kod yiend olemo mamoko, osetwo, kendo mor mar ji bende oserumo.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Luka 16:25

To Ibrahim nodwoke ni, ‘Wuoda, par ni kane pod ingima ne iyudo gik moko mabeyo, to Lazaro ne yudo gik maricho. To koro sani oneno maber kaeri, ka into inie rem malit.