Isaya 24:1 - MUMA MALER 2015

¹ Winjuru! Ruoth Nyasaye biro teng’o piny, mi dong’ nono. Obiro bare, mi oloke ataro, kendo oke joma odakie.

Motingʼo Loko Manyien

¹ Neuru Jehova Nyasaye biro ketho piny, mi odongʼ nono, obiro loko kit piny kendo keyo jogo modakie.

Isaya 24:1 ပူးပေါင်းရင်းမြစ်များ

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

Nehemia 1:8

To yie ipar gima ninyise, kiwacho niya, ‘Kuketho chikna, to anakeu e kind ogendini.

Zaburi 146:9

Orito jopinje mamoko modak e piny joge, bende okonyo mond liete gi nyithi kiye, to orocho gik ma joricho ochano timo!

Isaya 13:13

Chieng’no Ruoth Nyasaye nokech malich, mi polo notetni, kendo piny noyiengni mi leng’re.

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 24:19

Piny nobarre, mi gik moko duto lal nono.

Isaya 24:20

Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Isaya 27:10

To dala ma ochiel motegno nodong’ gunda. Enobed dala mojwang’ maonge ng’ama odakie, kendo nolokre thim. Jamni nokwa kuno, ka chamo bede yien.

Isaya 29:16

To koro mano kaka uloko weche ataro, mana ka gima jachuech bende romre gi lowo mochueyo. Bende gimoro ma ochue dikwer ni jachuechne ok ochueye? Koso agulu bende diwachi ni ng’ama ochueye onge gi rieko?

Isaya 29:2

to bang’e anakelni masira, mi ywagruok gi nduru nobedie, kendo inichal gi kendo-mar-misango ma remo ochuerie!

Isaya 30:32

Un to nubed mamor kugoyo thumbe, kendo uwer e kinde duto ma ruoth Nyasaye goyogie.

Isaya 32:12

kendo ywaguru, nikech puotheu momew kod mzabipu ma nyago olemo mabeyo biro kethore.

Isaya 33:9

Piny ywak, kendo dok chien. Lebanon two, kendo kethore. Sharon bende olokore thim, kendo Bashan gi Karmel oyaki modong’ nono.

Isaya 34:10

mi pinyno lokre lam maliel otieno gi odiechieng’, ma ok nyal negi, bende iro nodumie mochwere. Enodong’ thim kuom higni gi higni, kendo onge ng’ama nochak oluw kuno.

Isaya 34:2

nimar Ruoth Nyasaye nigi mirima mager kod ogendini duto, kod jogi mag lweny. Kuom mano osekuong’ogi ni mondo oneggi, mi tiekgi chuth.

Isaya 42:15

Anatiek gik moko duto manie gode, ka amiyo gik mang’ich duto man kuno two. Anami aore lokre kuonde motwo, kendo adwon yewni duto.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 40:15

Eka Johanan nowachone ling’ling’ niya, “We mondo adhi aneg Ishmael, kendo onge ng’ama biro ng’eyo ni an ema anege. Ere gima omiyo diwe mondo onegi, to mano nyalo miyo jo-Yahudi duto moseduogo iri ke, mi ji duto modong’ e Juda rum?”

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 51:34

Ruodh Babulon nokango Jerusalem mochamo. Osenyodho dalano, mobolo kucha mana ka agulu ma iye ni nono, kendo omwonye mana ka ondiek. Ne okawo mana gik mabeyo modwaro, to owito mago ma ok odwar.

Jeremia 9:16

Abiro keyogi e kind ogendini ma ok ging’eyo, kendo ma kata kweregi bende ne ok ong’eyo. Bende abiro kelonigi wasigu mondo omonjgi nyaka chop atiekgi chuth.”

Ezekiel 12:20

Mier ma tinde ji opong’o nokethi, mi pinyno lokre thim. Eka gining’e ni an e Ruoth Nyasaye.”

Ezekiel 24:11

Bang’e keturu agulu modong’ nono e mach mondo ochwakre, nyaka chuma molosego bed maliet ha, mi nyal man kuome wanyre, mi lal nono. To mano tich manono.

Ezekiel 35:14

“Emomiyo, an Ruoth Nyasaye awacho kama: Abiro miyo pinyu kethre, mi piny ngima nogonu siboi kuom masira momakouno,

Ezekiel 5:14

Anami ubed oganda mojwang’ kendo mokwedi, mi ogendini mokiewo kodu kod ji duto makadho nonyieru, ka goyonu siboi.

Ezekiel 5:2

Ka kinde migoyoe ageng’a oserumo, to nyaka iwang’ achiel kuom adek mar yiergo ewi matafari mochung’ kar Jerusalemno. To achiel kuom adek machielo, ng’adi gi ligangla e alwora mar matafarino. Achiel kuom adek modong’ to witi mondo yamo odhigo, nikech anawuodh liganglana alawgo joga.

Ezekiel 6:14

Adier, anarie bada kuomgi mi aketh pinygi ka aloke thim, chakre piny motwo ma yo milambo, nyaka dala mar Ribla man yo nyandwat, ma ok aweyo kamoro ma jo-Israel odakie mak aketho. Bang’e ji duto nong’e ni kara an e Ruoth Nyasaye.”

Ezekiel 6:6

Mier madongo duto mag Israel nomuki, kendo kuonde moting’ore ma gilamoe nyiseche manono bende nokethi, mondo kendegi gi nyisechegi manono oketh matindotindo, kaachiel gi gik ma giwang’oe ubani, kendo gik moko duto mane giloso nolal nono.

Ezekiel 7:12

Kindeno biro! Adier, ndalono sudo machiegni! Jong’iewo gi joloko ok onego obed mamor, bende ok onego giywagre, nikech mirimb Nyasaye ni kuomgi giduto.

Ezekiel 7:14

Tung’ ywak, kendo ji duto ikore, to onge ng’ama dhi e lweny, nikech mirimb Ruoth Nyasaye biro lwar kuom ji duto machalre.

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Nahum 2:10

Mago duto oyaki motieki, ma onge gima odong’. Kibaji goyo joge, kendo chongegi tuomore ka gitetni, kendo wengegi olokore makwar haa!

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Tich Joote 17:6

To kane ok ginwang’ogi, ne giywayo Jason gi owete moko oko, mi gitero ir jodong buch dala, ka gikok ni, “Jogi oseketho piny kuonde duto, kendo koro gisebiro ketho dalawa ka,

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.

Rapar mar Chik 32:26

Naparo ni mondo ang’adgi matindotindo, kendo atiekgi ma ok nochak opargi.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.