Isaya 23:11 - MUMA MALER 2015

¹¹ Ruoth Nyasaye oserieyo bade e nam mondo olok loch ruodhi, bende osegolo chik mondo omuk miech Kanaan mochiel motegno.

Motingʼo Loko Manyien

¹¹ Jehova Nyasaye oserieyo bade e nam kendo osemiyo pinyruodhi tetni, bende osegolo chik ne Foenikia mondo otiek gik ma gineno kuomgi.

Isaya 23:11 ပူးပေါင်းရင်းမြစ်များ

Chakruok 9:25

nowacho niya, “Okwong’ Kanaan, kendo obed misumba owetene.”

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Zaburi 71:3

Bedna lwanda ma aresorae, kendo ohinga motegno mogeng’a. To adier, inie lwandana kendo ohingana.

Wuok 14:21

Musa norieyo bade e nam, mi Ruoth Nyasaye notugo yamb ugue mokudho matek otieno duto, mi nam nong’wel, kendo kama ne pi nitie nodoko motwo. Pigno nopogore diriyo,

Isaya 10:6

En ema aore mondo odhi oked gi oganda moweyo Nyasaye Adier, achike mondo omonj joma miya mirimago. Mi oketh mwandu, kendo oyakgi kaka en ema odwaro, konyonogi piny, mana ka chuodho minyono e wang’ yore.

Isaya 13:13

Chieng’no Ruoth Nyasaye nokech malich, mi polo notetni, kendo piny noyiengni mi leng’re.

Isaya 14:26

Mano e wach ma aseiko ni piny ngima, kendo abiro rieyo bada kuom ogendini duto mondo otimre,

Isaya 19:5

Aora Nael noduon, mi two,

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 23:10

Kuom mano, pururu lowo un jo-Tarshish, nikech ohandu biro rumo!

Isaya 23:3

ma jotendgi ng’ado nembe mondo oom cham Shihor, kendo ma yudo ohala kuom ting’o mwandu mag ogendini.

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Jeremia 47:7

To doyue nadi, to asemiye tich mondo oti? Asechike mondo omonj Ashkelon kaachiel gi joma odak e dhonam.”

Ezekiel 26:10

Rumbi mar buru ma faresegi odhuolo noimi, kendo koko mar farese maywayo gechegi mag lweny noyieng ohingani, ka gikadho e dhorangayi mokethore.

Ezekiel 26:4

Gibiro muko ohinga mari, kod kuondeni mochiel motegno mag siro lweny. Bang’ mano, anaywer lowo duto oko kuomi, mi awe kidong’ mana lwanda lilo.

Ezekiel 31:16

Ka awite mwalo e Piny Joma Otho, to koko mopodhogo nobwog ogendini duto. Yien duto mag Eden gi yiend Lebanon mabeyo mayudo pi mang’eny nobed mamor e piny mamwalono.

Nahum 1:14

Ruodh Asuria to awachone kama: ‘Asegolo chik mondo nyingi orum chuth! Yawuoti ok nobed ruodhi kari, kendo abiro ketho nyisecheni manie hekalu mari, mi ananegi nikech in gima nono!’ ”

Hagai 2:7

Bende anayieng ogendini duto, mi mwandugi duto nobi ka, mi anapong’ Hekalu gi duong’ maler. An Ruoth Nyasaye ema awacho kamano.

Zekaria 14:21

Agulni duto manie Jerusalem kod Juda nobed mowal ni tich Ruoth Nyasaye, kendo ji duto matimo misengni nokaw moko mondo ochwakie ring misango. Kamano ka kindeno ochopo, to onge johala moro amora ma nochak oyud e Hekalu mar Ruoth Nyasaye Manyalo Gik Moko Duto.

Mariko 11:17

Bang’ mano nopuonjo ji, kowacho niya, “Donge ondiki e Muma ni, ‘Oda noluong ni od lemo mar Ogendini duto’? Un useloke od jomecho!”

Johana 2:16

Nowacho ni johand akuche niya, “Goluru gigi ka! Kik ulok od Wuora kar loko ohala!”