Isaya 23:1 - MUMA MALER 2015

¹ Wach mane Nyasaye onyiso e fweny kuom Turo ema: Un yiedhi madongo mag Turo madhi Tarshish, ywaguru, nikech dhowath mugowoe ibiro kethi chuth. Ubiro winjo wachni e yo kurawo e chula Saiprus.

Motingʼo Loko Manyien

¹ Ma e wach mokor kuom Turo: Ywaguru, yaye yiedhi mag Tarshish! Nimar Turo osekethi, kendo oweye maonge ot kata dho wath! Wach osechoponegi koa e piny Saipras.

Isaya 23:1 ပူးပေါင်းရင်းမြစ်များ

Chakruok 10:4

Javan nonywolo Elisha gi Tarshish gi Kitim kod jo-Rodan.

1 Ruodhi 10:22

Ruoth Solomon ne nigi yiedhi mane kwang’ e nam, kaachiel gi yiedhi mag Hiram. Ne gidongo, machal gi mago mane dhi Tarshish. Bang’ higni adek adek, yiedhigo ne kelo dhahabu gi fedha, gi lak liech, gi ong’eche kod bimbe.

1 Ruodhi 22:48

Jehoshafat nohondho yiedhi madongo machal gi mago mane dhi Tarshish, mondo oomgo dhahabu Ofir. To ne ok gidhi, nikech ne gibarore mana Ezion-giber.

1 Ruodhi 5:1

Kane Hiram ruodh Turo owinjo ni Solomon osewir, moket ruoth kar Daudi wuon mare, nooro joote ire, nikech yande ne ohero Daudi.

2 Weche mag Ndalo 9:21

nimar yiedhi mage ne dhi Tarshish gi jotich Hiram, kendo bang’ higni adek ne gikelo dhahabu gi fedha gi lak liech gi ong’eche kod bimbe.

Zaburi 48:7

kendo ne gitagore, mana ka yiedhi madongo madhi Tarshish, ma yamb ugue tago.

Isaya 15:8

Ywak ma giniywaggo ni mondo okonygi nowinjre nyaka e tong’ piny Moab. Adier, nduru ma ginigo nochop nyaka Eglaim kod Beer-elim.

Isaya 2:16

Kata mana yiedhi madongo duto madhi Tarshish, kod mago mag Arabia bende nokethi chieng’no.

Isaya 23:12

Osewacho niya, “Yaye, un jo-Sidon, dala mothir, ok unuchak uubed mamor. Kata ka ung’ado nam mudhi Saiprus, to kuno bende ok unuyudie yueyo.

Isaya 23:6

“Yaye, un joma odak e dhonam, ywaguru, kendo idhuru yiedhi udhi Tarshish.

Isaya 24:10

Dala Manono nokethre chuth, kendo ot ka ot nolor mondo joyeko kik donjie.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Jeremia 2:10

“Koro idhuru yie udhi e chula mar Saipras, kendo uor joote Kedar openjnu wach mondo uwinj ane

Jeremia 25:15

Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Jeremia 25:22

gi ruodhi duto mag pinje mae dhonam Mediterania,

Jeremia 47:4

nikech kinde osechopo mikethoe piny Filistia. Kamano konyruok ma jo-Turo gi jo-Sidon geno yudo kuom Filistia norum pep, nimar an Ruoth Nyasaye abiro ketho jo-Filistia duto mane oa e dho nembe mag Kaftor.

Ezekiel 26:1

Chieng’ mokwongo mar due, e higa mar apar gachiel, Ruoth Nyasaye nowuoyo koda,

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Ezekiel 27:30

Giduto giywagi malit, ka gibuko wigi buru, kendo ging’ielore e lowo.

Ezekiel 27:6

Ngeyni magi to ne giloso gi yiend ober moa Bashan, kendo tati ne giloso gi yiend saipras, mogol e chulni mag Kitim. Eka ne gibawi gi lak liech.

Daniel 11:30

Joma oa yo podho chieng’ nobi gi mendegi mondo oked kode, mi nobed maluor. Bang’e nodog ka en gi mirima mager mondo otiek joma otimo singruok maler gi Nyasaye, tiende ni jo-Israel, kendo enoluw rieko mag joma oseweyo singruokno.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.

Kwan 24:24

Gin mony moa Saipras. Gibiro ketho Asuria, kendo giniketh Eber, to kata gin bende gibiro rumo chuth.”

Luka 10:13

“Yaye, Un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu, notim mana ni jo Turo gi jo-Sidon, to dikoro ne giseloko chunygi, mi gibet piny ka girwako piende gugru, kendo gibukore buru.

Joshua 19:29

Eka tong’ nogomo mochomo Rama, nyaka Turo dala mochiel, kuma nogomoe kochiko Hosa, mogik e Nam Mediterenia. Yo podho chieng’ noting’o Mehalab gi Akzib