Isaya 22:4 - MUMA MALER 2015

⁴ Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Motingʼo Loko Manyien

⁴ Kuom mano ne awacho niya, “Weyauru aweya mondo aywag malit. Weuru hoya nikech jowa osetieki.”

Isaya 22:4 ပူးပေါင်းရင်းမြစ်များ

Zaburi 77:2

E kinde mane anie chandruok to ne alamo Ruoth. Otieno duto ne ating’o bedena malo, ka alemo, to chunya ne ok nyal yudo kue.

Isaya 15:3

Ji nowuoth e yore korwako piende gugru, bende giniywagi ewi udi kendo e akek yore.

Isaya 33:7

Neuru kaka thuondu ywak e wang’yore. Adier, joote museoro mondo odwar kue, ywak malit.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 31:15

Ruoth Nyasaye wacho niya, “Dwol winjore e dala mar Rama, en nduru gi ywak malit, Rahel ywago nyithinde, kendo ok onyal hore nikech gisetho giduto.

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Jeremia 8:18

“Akuyo ma ok anyal yudo kue, kendo chunya tuo.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Jeremia 9:18

Gibi piyo mondo gidengnwa, nyaka wengewa pong’ gi pi wang’, mi owre nikech ywak.

Ywagruok 2:11

Aseywak ahinya, mi wang’ a oowore kendo iya nyawni. Chunya bende chandore malit, nikech masira ma joga neno. Rawere gi nyithindo mayom nong’no tero, kendo gipodho e wang’yore mag dala.

Ezekiel 21:11

omiyo ligangla ema koro iyweyo mondo ochak tich. Ipiage kendo iyweye mondo okete e lwet janek.

Ezekiel 27:31

Giselielo wigi ka giywagi, kendo girwako piende gugru. Giywak matek, ka chunygi lit ahinya.

Mika 1:8

Bang’e Mika nowacho niya, “Abiro ywak malit nikech wachni. Abiro wuotho gi tienda nono, kendo ka an duk, mondo anyisgo kuyo ma an go. Anahol ka dhiang’ kendo naywag ka tula

Mathayo 2:18

Nowacho niya, “Dwol ne owinjore e dala mar Rama, ne en nduru gi ywak malit. Rahel ema ne ywago nyithinde, kendo ne ok onyal hore, nikech ne gisetho giduto.”

Mathayo 26:75

mi Petro noparo gima ne Yesu osewacho ni, “Kapok thwon gweno okok to nikweda didek.” Mano omiyo Petro nowuok oko, moywak malit.

Luka 1:2

ka giluwo wechena ma joma ne onenogi, kod Joland Wach Maber, onyisowa.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,