Isaya 22:25 - MUMA MALER 2015

²⁵ To an, Ruoth Nyasaye Manyalo Gik Moko Duto, amedo wacho ni, chieng’no musmal mane ogur motegnono nopudh oko. Adier, nong’ade mi olwar, kendo gik moko duto mayande olier kuome nokethi. An Ruoth Nyasaye ema awacho kamano.”

Motingʼo Loko Manyien

²⁵ Jehova Nyasaye Maratego wacho niya, “E kindeno sigingi mane ogur motegno kendo mongirore biro pudhore, nongʼade mi olwar kendo gik moko duto mongʼaw kuome bende nolwar.” Jehova Nyasaye osewacho.

Isaya 22:25 ပူးပေါင်းရင်းမြစ်များ

Zaburi 146:3

Kik ugen kuom jotelo mag piny, kata kuom ng’ato ang’ata ma ok nyal warou,

Zaburi 52:5

Kuom mano, Nyasaye notieki chuth. Obiro maki, mi oyudhi oko e piny joma ngima!

Isaya 22:23

Enobed jatelo ma nomi joodgi yud duong’, kendo anagure matek, mana ka musmal.

Isaya 22:24

Kuome ema joodgi duto te, koda ka modhier, nobed kayudoe konyruok, mana kaka gik mang’eny mopogore opogore liero kong’aw e musmal.

Isaya 46:11

Aluongo ng’ato e piny mabor mondo otim gima adwaro. Obiro biro kaka winyo mager, koa yo wuok chieng’. Asewuoyo, kendo abiro timo kaka asewacho. Adier, asechano gima adwaro timo, kendo abiro timogo mak orem.

Isaya 48:15

An awuon ema asewacho kamano. Adier, an ema aseluonge, mi akele, omiyo gik mochano duto biro dhi maber.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Ezekiel 5:15

Adier, ka akumou malit gi mirimba mager to unubed gima ichayo, kendo miyanyo, bende unubed puonj malich ni ogendini mokiewo kodu. An Ruoth Nyasaye ema awacho kamano

Ezekiel 5:17

Anaol kech gi ondiegi kuomu, mi tiek nyithindu, bende anakel tuo gi lweny kod chuero remo e pinyu, mondo onegu. An Ruoth Nyasaye ema awacho kamano.”

Mika 4:4

To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.