Isaya 22:16 - MUMA MALER 2015

¹⁶ ‘Ere gima itimo ka, koso ere wadu man ka, momiyo isekunyo bur mibiro yikie kae? Chutho, ang’o momiyo ikunyo bur malo e lwanda, mondo obed liel ma ringri biro yueyoe?

Motingʼo Loko Manyien

¹⁶ En angʼo ma itimo ka, kendo en ngʼa manomiyi thuolo mar kunyo buri ka, momiyo iloso bur kama otingʼore, kendo iloso kari maber mar yweyo e kind lwanda?

Isaya 22:16 ပူးပေါင်းရင်းမြစ်များ

Chakruok 50:5

‘Kane wuora chiegni tho, nomiyo asingorane ni abiro yike e bur mane osekunyo e piny Kanaan. Kuom mano yie adhi ayike, eka abiro duogo.’ ”

2 Samuel 18:18

Kane Absalom pod ngima, noyudo osechungo siro e Holo mar Ruoth, mondo obedne ka rapar. Nowacho niya, “Aonge gi wuowi ma dichung wiya kasetho.” Omiyo nochako sirono nyinge owuon, kendo pod iluonge ni Rapar mar Absalom nyaka chil kawuono.

2 Weche mag Ndalo 16:14

Noyike e liende ma nokunyo e dala Daudi. Ne gikete e ng’ango mopong’ gi gik mang’ue ng’ar mane joma olony e tijno oseloso, kendo ne giloso mach mang’ongo ahinya ka gimiyego duong’.

Ayub 3:14

kanindo kaachiel gi ruodhi kod jodonggi mosetho mane ogero udi madongo mabeyo.

Isaya 14:18

Ruodhi mag ogendini yueyo e lietegi molos malich,

Isaya 14:19

to in, osewiti oko, mi irieri piny mak oyiki, mana ka guok motho. Joma oneg e lweny, mowit e bur motimo kite, ema ogangore kuomi.

Isaya 22:17

Ruoth Nyasaye biro teng’i oko, mana ka ng’ama teng’o nyuogo oko e nanga.

Isaya 52:5

To koro, en ang’o ma anenoni? Aneno ka joga okaw nono, maonge gima ochul. Joma ne omakogi goyonigi siboi, kendo odiechieng’ kodiechieng’ gitugo gi nyinga marach.

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Mathayo 27:60

eka nokete e bur manyien, mane osekunyo ariwa e kor lwanda. (En bur mane oloso mondo chieng’ moro oyikee, kotho.) Bang’e nong’ielo kidi maduong’ moloro dho bur, mi oa odhi.