Isaya 22:15 - MUMA MALER 2015

¹⁵ Bang’e Ruoth Nyasaye Manyalo Gik Moko Duto nowachona niya, “Dhiyo ir jakeno ma nyinge Shebna, ma jarit od ruoth, mondo ipenje kama:

Motingʼo Loko Manyien

¹⁵ Ma e gima Ruoth Nyasaye ma en Jehova Nyasaye Maratego wacho, Dhi ir jakeno mar od ruoth miluongo ni Shebna mondo iwachne niya,

Isaya 22:15 ပူးပေါင်းရင်းမြစ်များ

1 Ruodhi 4:6

Ahishar ne jaduong’ e od ruoth, kendo Adoniram wuod Abda ne jarit jogo ma nichuno mondo oti gi thwon.

2 Ruodhi 10:5

Omiyo jaduong’ od ruoth gi jaduong’ dala kaachiel gi jodongo kod jogo mane pidho yawuowigo nooro ni Jehu wach niya, “Wan jotichni, kendo wayie timo gimoro amora miwachonwa. Ok wanaket ng’at moro obed ruoth. Tim atima gima idwaro.”

2 Ruodhi 18:18

Ne giluongo ruoth, to Eliakim wuod Hilkia, mane jaduong’ od ruoth, gi Shebna jagoro, kod Joa wuod Asaf, ma jachan weche mag piny, ema ne jowuok irgi.

2 Ruodhi 18:26

Eka Eliakim wuod Hilkia gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

2 Ruodhi 18:37

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

2 Ruodhi 19:2

Nooro Eliakim ma jaduong’ ode gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

1 Weche mag Ndalo 27:25

Azmoth wuod Adiel ne jarit kuonde keno mag ruoth. Jonathan wuod Uzia to ne rito kuonde keno manie mier madongo gi matindo, kendo e miech lweny mochiel gi ohinga.

Isaya 36:11

Eka Eliakim gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Isaya 36:22

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

Isaya 36:3

Eliakim wuod Hilkia ma jaduong’ od ruoth, gi Shebna jagoro, kod Joa wuod Asa jachan weche mag piny ne jowuok modhi ire kanyo.

Isaya 37:2

Nooro Eliakim ma jaduong’ ode, gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

Tich Joote 8:27

Kuom mano, Filipo noa malo, modhi kuno. To noyudo jatend Ethiopia moro mabwoch wuotho e yorno. Ne en ng’at man gi duong’ ahinya, mane rito mwandu mag Kandake, ruoth madhako mar Ethiopia.