Isaya 22:12 - MUMA MALER 2015

¹² Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Motingʼo Loko Manyien

¹² To Ruoth Nyasaye ma en Jehova Nyasaye Maratego, ne oluongou odiechiengno mondo uywagi kendo udengi, ka upudho yie wiu kendo urwako pien gugru.

Isaya 22:12 ပူးပေါင်းရင်းမြစ်များ

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Ezra 9:3

Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Nehemia 9:9

“Bende nineno masiche mane kwerewa oyudo e piny Misri, kendo niwinjo ywakgi e Nam Makwar.

Ayub 1:20

Bang’e Ayub nochung’, moyiecho lepe kanyisogo kuyo ma en go. Ne olielo wiye apwodha mopodho piny auma.

Eklesiastes 3:11

Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Isaya 26:10

Jaricho to kata da dhial manade, to pod ok onyal puonjore tim makare, to omedo ameda timo richo e piny ma adiera nitie, ka ok odew duong’ mar Ruoth Nyasaye.

Isaya 29:1

Yaye, inine malit in Jerusalem, dala mane Daudi obworoe! Kuom higa achiel kata higni ariyo sewni mitimo higa ka higa pod timore,

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Isaya 32:11

Un mon ma sani odak e ngima maber, parreuru! Weuru dhil mudhilgono! Lonyreuru duk mondo utue piende gugru e nungou,

Isaya 37:1

Kane ruoth Hezekia owinjo wechego, noyiecho lepe, mi orwako pien gugru, kendo odhi e Od Ruoth Nyasaye.

Isaya 37:2

Nooro Eliakim ma jaduong’ ode, gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

Isaya 58:3

Gipenja niya, “Ere gima omiyo watueyo chiemo ka in to ok ine mano? Koso ang’o momiyo wasandore ka in to ok ine?” An to adwokogi niya, “Winjuru! Chieng’ ma utueyo chiemo, to utimo gik ma un uwegi ema udwaro, kendo jotichu ema uturo gi tich matek.

Jeremia 16:6

Joma omew kaachiel gi joma odhier biro tho e pinyni, to onge ng’ama noywaggi kata noyikgi. Onge ng’ama noter buchgi kata ma noliel wiye ma nyiso ni en e lit

Jeremia 16:8

“Kik idonj e ot ma ji timoe sawo. Bende kik ibed piny mondo ichiem kendo imeth kodgi.

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ezekiel 27:31

Giselielo wigi ka giywagi, kendo girwako piende gugru. Giywak matek, ka chunygi lit ahinya.

Daniel 5:1

E ndalo loch ruoth Belshazar, ne orwako jodongo alufu achiel e sawo maduong’, mi ometho kodgi.

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:8

Ywaguru mana ka nyako maywago ng’at ma nyocha dwaro kende.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Jona 3:6

Kane ruoth owinjo wachno, noa malo e kome, molonyo lepe mag ruoth, kendo norwako pien gugru, mi obet e buru.

Mika 1:16

Un jo-Juda, pwodhuru wiu obed ranyisi ni uywago nyithindo muhero. Ee, lokreuru rabonde ka achudhe, nikech nyithindugo ibiro mau.

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.