Isaya 21:9 - MUMA MALER 2015

⁹ to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Motingʼo Loko Manyien

⁹ Ero ngʼato biro koidho gach lweny miywayo gi farese. To ngʼatno nowacho niya, ‘Babulon osepodho, adier osepodho, adier osepodho, kendo nyisechene manono osetur matindo tindo!’ ”

Isaya 21:9 ပူးပေါင်းရင်းမြစ်များ

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 14:4

to ginigo agoro ni ruodh Babulon ka giwer kama: “Neyeuru kaka giko mar josand ji chalo, kendo kaka sungane otieki.

Isaya 2:18

Nyiseche manono duto nokethi, mi tiek chuth.

Isaya 21:7

Ka oneno geche lweny ka biro, ma farese ariyo ariyo ywayo, kaachiel gi joma oidho kenje kod ngamia, to mondo orang ane maber gima timore.”

Isaya 47:5

Yaye, dala maduong’ mar jo-Kaldai, bed kiling’ thi, kendo gumbi idhiyo e mudho mandiwa, nimar ok nochak oluongi ni min pinje mang’eny.

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Isaya 48:14

Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 50:38

Oro ochopo e pinye, kendo miyo aorene duono. Mago duto otimore nikech Babulon en piny milamoe nyiseche makuero, mabwogo ji, kendo miyo ji fuwo.

Jeremia 50:42

Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Jeremia 50:9

Adhi jiwo ogendini moko marateke modak yo nyandwat mondo obi omonj Babulon. Gibiro riedo ni lweny mondo giked gi dalano mi gikaw. Giniba asere ka jodwar ma josaba ma gima gibayo ok leng’.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Jeremia 51:47

Kinde biro ma anakumie nyiseche manono mag Babulon, mi piny Babulon noyud wichkuot, kendo joge duto noneg e lweny.

Jeremia 51:52

Kuom mano, an Ruoth Nyasaye, awacho ni kinde biro ma anakumie nyiseche manono mag Babulon duto.

Jeremia 51:64

Bang’ mano iwach niya, ‘Mano e gima biro timore ni Babulon. Kaka kidini onyumore e pi, e kaka Babulon bende nonyumre e masira ma Ruoth Nyasaye biro kelo kuome, mi ok nochak owuog kendo.’ ” Mano e giko weche Jeremia.

Jeremia 51:8

To koro Babulon osepodho apoya, mi okethore! Ywageuru! Dwaruru yath ni adhondene, nimar dipo ka omiyo ochango.

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 18:2

Nokok matek niya, “Yaye! Babulon dala maduong’ osepodho! Osepodho! Osedoko kar dak mar jochiende, kendo odoko gunda ma chuny duto mochido odakie, kaachiel gi winy duto ma ok ler kendo makuero.

Fweny 18:21

“Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’!