Isaya 21:4 - MUMA MALER 2015

⁴ Dhoga nomoko kendo natetni ma ok anyal konyo. Ne asegeno ni abiro yueyo godhiambo, ka chieng’ opodho, to kindeno nolokorena mana masira.

Motingʼo Loko Manyien

⁴ Chunya bwok, denda tetni nikech luoro; gombo ma an-go mondo piny imre oselokorena masira.

Isaya 21:4 ပူးပေါင်းရင်းမြစ်များ

1 Ruodhi 1:49

Eka luoro nomako wend Adonija duto, mi gia malo, kendo ng’ato ka ng’ato nodok dalane.

Zaburi 55:5

Kihondko omaka, kendo atetni. Ee, masiche opong’o chunya.

Zaburi 55:6

Da abed gi bwomba ka akuru, to da ahuyo, mi adhi mabor mondo ayud kue!

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 51:39

Kara, ka giowore kamano, to abiro losonigi sawo! Abiro miyogi gimer, mi gibed mamor, to bang’e nindo notergi ma ok ginyal chiew kendo.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Daniel 5:1

E ndalo loch ruoth Belshazar, ne orwako jodongo alufu achiel e sawo maduong’, mi ometho kodgi.

Daniel 5:30

To otieno nogo ema nonegie Belshazar ruodh Babulon,

Daniel 5:5

Eka ne gipo ka lwet dhano othinyore, mochako ndiko kor ot, machiegni gi kama ne taya lielie. Kane ruoth oneno lwet dhano ka ndiko kamano,

Nahum 1:10

Giduto giniwang’ pep mana ka kudho mochoki, kata ka tiang’ motwo.

Rapar mar Chik 28:67

Kihondkono gi gik mubiro neno, nomi uwach okinyi kokinyi ni, ‘Yaye! Mad obed odhiambo!’ To odhiambo kodhiambo unuwach ni, ‘Yaye! Mad obed okinyi.’

Rapar mar Chik 32:11

Kaka ongo yiengo ode mondo nyithinde owuogi, koyaro bwombene mondo okawgi, kendo oting’gi e bwombene, e kaka Ruoth Nyasaye yaro bwombene, kendo kawo ogandane.