Isaya 21:3 - MUMA MALER 2015

³ Kane aneno fwenyno ne apuodora ka rem rama malit, mana ka dhako ma muoch kayo. Gik mane aneno kendo awinjo ne ogoya gi kibaji, mi adhier nono.

Motingʼo Loko Manyien

³ Kaneno magi to apuodora ka rem rama e ringra, rem rama mana ka dhako mamuoch kayo; kibaji goya kuom gik mawinjo kendo midhiero omaka kuom gik ma aneno.

Isaya 21:3 ပူးပေါင်းရင်းမြစ်များ

Zaburi 48:6

Luoro gi rem nomakogi kanyo, mana ka dhako ma muoch kayo,

Isaya 13:8

Rem bende noneggi mana ka dhako ma muoch kayo. Ng’ato ka ng’ato nong’i wadgi ka kihondko omako, kendo ka neno awedho.

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Isaya 16:11

Kuom mano, chunya ywago jo-Moab gi jo-Kirhereseth, mana ka ng’ama goyo thum e liel.

Isaya 16:9

Kuom mano, abiro ywago mzabibu mag Sibma mana kaka aywago Jezer. Un jo-Heshbon kod jo-Eleale, pi wang’a biro lwokou, nimar mahu mar lweny ema biro winjore e puotheu mag olembe monyak maber.

Isaya 26:17

Kaka dhako winjo rem kendo ywak ka muoch kayo, e kaka wachalo ka wan e nyimi, A Ruoth Nyasaye.

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Jeremia 48:41

Miechgi gi kuondegi mochiel motegno ibiro kawo. Chieng’no jolweny mag Moab nobed gi kihondko mana ka dhako ma muoch kayo.

Jeremia 49:22

Wasigu nomonj Bozra mana ka achuth mopodho piny kuom gima otho, koa malo e kor polo ka buombene oyarore. Chieng’no jolweny mag Edom kihondko nomaki mana ka dhako ma muoch kayo.”

Jeremia 50:43

Ruodh Babulon owinjo wach, mi thudhno omako lwete, kendo kibaji goye mana ka dhako ma muoch kayo.

Jeremia 6:24

To un jo-Jerusalem uwacho niya, “Wasewinjo wachno, mi thudhno omako luetewa. Kibaji goyowa mana ka dhako ma muoch kayo.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Johana 16:21

Ka dhako muoch kayo to en gi rem malit kod kuyo, nikech kinde mar nyuol osechopo,. To ka osenywolo nyathi, to koro ok opar rem gi kuyo mane engo nikech koro omor ni osenywolo dhano e piny.

Rapar mar Chik 28:67

Kihondkono gi gik mubiro neno, nomi uwach okinyi kokinyi ni, ‘Yaye! Mad obed odhiambo!’ To odhiambo kodhiambo unuwach ni, ‘Yaye! Mad obed okinyi.’

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.