Isaya 21:16 - MUMA MALER 2015

¹⁶ Ruoth Nyasaye osewacho niya, “Kapok higa achiel orumo ngang’, to duong’ duto mar jo-Arabu ma Kedar notieki.

Motingʼo Loko Manyien

¹⁶ Ruoth Nyasaye wachona niya, “Mana kaka ja-otongʼo kwano hike achiel ma tije rumogo e kaka duongʼ mar Kedar norum.

Isaya 21:16 ပူးပေါင်းရင်းမြစ်များ

Chakruok 25:13

Yawuot Ishmael, kaluwore ne gin: Nebayoth, wuode makayo, eka Kedar gi Abdeel gi Mibsaim

1 Weche mag Ndalo 1:29

to Ishmael nonywolo Nebayoth wuode makayo, kod Kedar gi Abdeel gi Mibsam

Ayub 7:1

“Thagruok ma dhano nigo e piny chalo mana gi ngima ng’at moter e lweny gi thwon, kendo mana ka tich lwedo matek,

Zaburi 120:5

Dak e kindu rach mana ka dak e piny Meshek, kata ka dak e kind jo-Kedar!

Wer Mamit 1:5

Yaye, nyi Jerusalem, chieng’ oseloka rateng’ mana ka hembe Warabu, to kata kamano, pod aber abera mana kaka pasia mag od Solomon.

Isaya 16:14

To koro owacho niya, “Bang’ higni adek, ma ok okadho ngang’, duong’ mar Moab norum, kendo ji manok marichoricho ema notony kuom joge mang’enygo.”

Isaya 42:11

Thim, kod mier man kuno, mondo obed mamor, kaachiel gi kuonde dak mag jo-Arabu ma Kedar. Un joma odak Sela, koguru gi mor ewi gode.

Isaya 60:7

Jamni duto mag Kedar nochokni. Rombe mag Nebayoth bende nobed jamni mitimogo misengni ma ayiego e kendona mar misango, mi duong’ maler mar Hekalu mara nomedre.

Jeremia 2:10

“Koro idhuru yie udhi e chula mar Saipras, kendo uor joote Kedar openjnu wach mondo uwinj ane

Jeremia 49:28

Ruoth Nyasaye nowuoyo kuom jo-Kedor kod ruodhi mag Hazor mane Nebukadnezar ruodh Babulon oloyo niya, “Dhiyouru umonj jo-Kedar ma jo-Arabu modak yo wuok chieng’, mi utieki.

Ezekiel 27:21

Jo-Arabu kod ruodhi mag Kedar bende ne ng’iewo gigi mag ohala ka gichuli nyirombe gi rombe kod diek.