Isaya 21:10 - MUMA MALER 2015

¹⁰ Yaye, jothurwa ma jo-Israel, ma osenyon ka kal minyono kidino, asenyisou gik ma Ruoth Nyasaye Manyalo Gik Moko Duto ma Nyasach Israel owachona.

Motingʼo Loko Manyien

¹⁰ Yaye ogandana mosenyon piny ka cham midino anyisou gima asewinjo koa kuom Jehova Nyasaye Maratego, ma Nyasach Israel.

Isaya 21:10 ပူးပေါင်းရင်းမြစ်များ

1 Ruodhi 22:14

To Mikaya nodwoke ni, “Akuong’ora gi nying Ruoth Nyasaye ni gima Ruoth Nyasaye biro wacho ema nawachi.”

2 Ruodhi 13:7

Ruoth Nyasaye noweyo ni Jehoahaz mana jolweny alufu apar, gi joidh farese piero abich, kod geche lweny apar, nikech ruodh Aram nosetiekogi mi gichalo mana mihudhi.

Isaya 28:28

Ngano en cham mayom, omiyo ok dine matek, nimar dipo ka ong’inyore matindotindo. Chutho, ok dine nyalandra. Kata ka obedo ni iywayo gari kuome mondo tiende gari odine, to ok tim kamanoo aming’a, nimar dipo ka orege mayom.

Jeremia 23:28

Janabi ma oseleko lek, onego owach ni en mana lek, to janabi moseyudo wachna onego ohul wachnano kare. Koso mihudhi gi cham yande chalre?

Jeremia 51:33

Chieng’ keyo osechopo machiegni! Piyopiyo nono wasigu biro negogi, mi nyon-gi ka cham midino. Ruoth Nyasaye Manyalo Gik Moko Duto kendo ma Nyasach Israel ema owacho kamano.”

Ezekiel 40:4

Ng’atno nowachona niya, “Wuod dhano, rang maber, kendo chik iti malong’o, mondo iwinj weche duto ma abiro wachoni, nimar mano ema omiyo osekeli ka. Bang’e idhi inyis jo-Israel gimoro amora ma iseneno ka.”

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”

Habakuk 3:12

Iwuotho e piny gi gero, kendo inyono ogendini piny gi mirima.

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”