Isaya 20:5 - MUMA MALER 2015

⁵ Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Motingʼo Loko Manyien

⁵ Ji mane oketo genoni kuom jo-Kush, kendo tingʼore malo nikech jo-Misri nobed gi luoro kod wichkuot.

Isaya 20:5 ပူးပေါင်းရင်းမြစ်များ

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Isaya 30:3

Gen mugenogo kuom Farao ok nokonyu, kendo geng’ruok mugeng’orugo e tipo Misri, nokelnu mana wichkuot,

Isaya 30:5

to uduto unuyud wichkuot kuom oganda ma ok nyal konyouno. Adier, ok unuyud konyruok kata ohala moro, to mana wichkuot kod achaye.”

Isaya 30:7

Adier, kata ka gitero mwandugi ni jo-Misri kamano, to kony ma ubiro yudo kuomgi romre gi nono. Mano ema omiyo achako Misri ni Rahab, ondiek ma budho abudha.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 36:6

Ang’eyo ni idhialori nikech jo-Misri, to nyaka ing’e ni jo-Misri chalo gi odundu mobarore, ma ka ng’ato oyiengoree, to pilore kendo chwowo lwete. Mano e kaka Farao, ruodh Misri, chalo, ni jogo duto mogeno kuome!’

Isaya 36:9

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

Isaya 37:9

To kane ruodh Asuria owinjo ni Tirhaka ruodh Ethiopia obiro monje, nochako oro joote ir Hezekia ruodh Juda kowacho niya,

Jeremia 17:5

Ruoth Nyasaye wacho niya, “Okuong’ ng’at ma baro weya, to geno mana kuom dhano, ka parone bor koda.

Jeremia 46:25

Ruoth Nyasaye Manyalo Gik Moko Duto kendo ma Nyasach Israel wacho niya, “Abiro kumo Amon nyasach Thebes, kaachiel gi jo-Misri kod nyisechegi mamoko kod ruodhigi. Bende abiro kumo Farao gi ji duto mogeno kuome,

Ezekiel 29:16

Kamano jo-Israel ok nochak oket genogi kuomgi. Masira momako Misrino nonyis jo-Israel kaka ne giketho ka giketo genogi kuom jo-Misri. Bang’e jo-Israel nong’e ni an e Ruoth Nyasaye.”

Nahum 3:9

Jo-Ethiopia gi jo-Misri ne e tekre, kendo ne gin gi teko mathoth. Jo-Put kod jo-Libya bende ne konye.

Zefania 2:12

Un jo-Ethiopia bende ligangla mar Ruoth Nyasaye nonegu,

1 Jo-Korintho 3:21

Omiyo ng’ato kik pakre nikech dhano, nimar gik moko duto gin mau.