Isaya 2:5 - MUMA MALER 2015

⁵ Biuru, yaye un joka Jakobo, mondo wawuoth e ler mar Ruoth Nyasaye.

Motingʼo Loko Manyien

⁵ Yaye od Jakobo, biuru mondo wawuoth e ler mar Jehova Nyasaye.

Isaya 2:5 ပူးပေါင်းရင်းမြစ်များ

Zaburi 36:10

Yie imed herani mosiko ni joma ong’eyi, kendo tim maber ni joma kare.

Zaburi 89:15

Joma lami gi wer, kendo modak e ler mar ng’wononi, gin johawi.

Zaburi 89:16

Pile giil odiechieng’ duto nikech in. Adier, timni makare miyogi mor.

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Luka 1:79

mondo orieny kuom joma odak e mudho, kendo e tipo mar tho, kendo mondo otawa e yo mokue.”

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

1 Johana 1:5

Wach mane wawinjo ka Yesu wacho, kendo ma koro wanyisou e ma: Nyasaye en ler, kendo mudho onge kuome kata matin.

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.