Isaya 2:21 - MUMA MALER 2015

²¹ mi ginidonj e buche manie lwendni kendo manie kor gode maboyo, ka giluoro duong’ malich mar Ruoth Nyasaye kod tekone.

Motingʼo Loko Manyien

²¹ Ji noring kapondo e buche manie kind lwendni kod buche manie kor lwanda, ka luoro omakogi nikech duongʼ malich mar Jehova Nyasaye kod tekone, e kindeno mano thinyre mondo oyieng piny.

Isaya 2:21 ပူးပေါင်းရင်းမြစ်များ

2 Samuel 22:46

Chunygi nool, mi ne giwuok ka gitetni, kuma ne gipondoe.

Ayub 30:6

Ne ochunogi ni nyaka gidag mana e buche mane nie tik gode kod kuonde ma kamago.

Ayub 9:6

En ema omiyo piny yiengni, koda ka mise mage.

Wuok 33:22

to ka duong’na maler kadho, abiro keti e gek lwanda, kendo anaumi gi lweta nyaka akadhi.

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Isaya 2:10

Donjuru e buche manie lwendni kata manie lowo, ka uluoro duong’ malich mar Ruoth Nyasaye kod tekone,

Isaya 2:19

Ka Ruoth Nyasaye oa malo mondo oyieng piny, to ji nodonj e buche manie lwendni, kata manie lowo, ka giluoro duong’ malich mar Ruoth Nyasaye kod tekone.

Isaya 24:18

Ka uringo masira, to ununyumru e bur, kendo ka utony mak unyumoru e bur, to obadho nomaku, nikech masira biro lwar kuomu koa e polo, kendo piny duto noyiengni marach.

Isaya 33:10

Ruoth Nyasaye wacho ni jo-Asuria niya, “Koro abiro a malo mondo anyis duong’na maler.

Isaya 7:19

Giduto ginibi, mi gipong’ piny mana ka lwang’ni gi kich mopoto e hohni kod buche mag lwendni kendo e kuthe gi lege duto.

Jeremia 16:16

“Abiro oro ji mang’eny mondo omak jogi, mana kaka jolupo maluwo rech. Bang’e naor jodwar mang’eny mondo odwargi e gode duto koda ka e kind lwendni.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”