Isaya 2:20 - MUMA MALER 2015

²⁰ Adier, chieng’ ma Ruoth Nyasaye oa malo mondo oyieng piny, to nyiseche manono mane ji oseloso gi fedha kod dhahabu, giniwit ni olwende kod oliktiga

Motingʼo Loko Manyien

²⁰ E kindeno ji nojwangʼ nyiseche manono molos gi fedha kod dhahabu ma yande gilamo, kaachiel gi oyieyo kod olik tiga.

Isaya 2:20 ပူးပေါင်းရင်းမြစ်များ

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

Eklesiastes 3:6

kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro,

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 17:8

Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 31:7

nimar chieng’ ma unuwitie nyisecheu manono mag fedha gi dhahabu, ma useloso gi lwetu motimo richo,

Isaya 40:19

Dochal gi kido ma ng’ato ochueyo, kendo ma jatheth dhahabu obawo gi dhahabu, mi othedhone thiwni mag fedha koso?

Isaya 46:1

Nyiseche Babulon ma Bel gi Nebo okulore piny ka luoro omako. Yande ji ting’ogi ating’a ka miyogi duong’, to koro kenje gi jamni ema oting’ogi, ka gilokore ting’ maturo jamni mool!

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.

Ezekiel 14:6

“Kuom mano, koro nyis jo-Israel ni an Ruoth Nyasaye awacho kama: Duoguru ira mondo uwe nyisecheu manono kod timbeu modwanyorego.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Ezekiel 7:19

Giniwit dhahapgi kod fethgi e wang’yore, mana ka yugi, nikech dhahabu kata fedha ok nokonygi chieng’ mirimb Nyasaye. Adier, mwandugo ok nonegnigi kech, bende ok noyieng’gi, nimar mwandugo ema ne oterogi e richo.

Hosea 14:8

Jo-Israel ok nochak olam nyiseche manono kata matin, omiyo anawinj lemogi, kendo naritgi. Anageng’gi mana ka yath ma tipone ng’ich, nimar an ema amiyogi guethgi duto.”

Tim jo-Lawi 11:19

gi nyamnaha gi kit ng’ang’a duto gi cherwa kot oliktik.

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Luka 23:30

Bende giniwach ni gode niya, ‘Ruombreuru kuomwa!’