Isaya 2:10 - MUMA MALER 2015

¹⁰ Donjuru e buche manie lwendni kata manie lowo, ka uluoro duong’ malich mar Ruoth Nyasaye kod tekone,

Motingʼo Loko Manyien

¹⁰ Donjuru e buche manie kind lwendni, ponduru e buche manie lowo ka luoro omakou nikech, duongʼ malich mar Jehova Nyasaye kod tekone!

Isaya 2:10 ပူးပေါင်းရင်းမြစ်များ

Ayub 31:23

To adier ne ok anyal timo gima kamano, nikech aluoro kum malich ma Nyasaye kumogo ji.

Ayub 40:13

Yikgi e lowo, mi ituegi e Piny Joma Otho.

Zaburi 145:12

mondo ji duto ong’e timbeni madongo, kod duong’ maler mar lochni.

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 25:11

Kanyo ema jo-Moab norieye bedegi mana kaka ng’ama goyo abal rieyo bedene ka kwang’, to Nyasaye notiek sungagi, kaachiel gi gimoro amora ma lwetgi oseloso.

Isaya 42:22

To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Jeremia 10:7

A Ruodh ogendini duto, ere ng’ama ok diluori, nikech in iwinjori gi luor. Kuom jorieko duto mag ogendini, kata kuom ruodhigi duto, onge ng’ato maromo kodi.

Jeremia 13:9

“Mano e kaka abiro ketho sunga mar jo-Juda kaachiel gi sunga marach mar jo-Jerusalem.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Nahum 3:11

Kamano e kaka in Nineve bende ibiro kwang’ ka ng’at momer, mi piny chami, kendo inimany kar tony kiringo wasigu.

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Luka 23:30

Bende giniwach ni gode niya, ‘Ruombreuru kuomwa!’

2 Jo-Thesalonika 1:9

Giniyud kum ma en lal ma nyaka chieng’, koriembgi mabor gi tekone man gi duong’.