Isaya 19:5 - MUMA MALER 2015

⁵ Aora Nael noduon, mi two,

Motingʼo Loko Manyien

⁵ Pige mag aora biro dwono, kendo kuonde ma pi luwo biro two ma bar okak.

Isaya 19:5 ပူးပေါင်းရင်းမြစ်များ

Ayub 14:11

Kata aora dipo ka chieng’ moro oduono, kendo kata mana nam bende pige nyalo rumo.

Isaya 15:6

Sokni mag Nimrim nodwon. Lum bende notwo, kendo oboke duto noner, ma onge gimoro amora mang’ich ma nodong’.

Isaya 23:11

Ruoth Nyasaye oserieyo bade e nam mondo olok loch ruodhi, bende osegolo chik mondo omuk miech Kanaan mochiel motegno.

Isaya 37:25

Asekunyo sokni, mi amodho pi pinje mamoko. Bende aore mag Misri noduono, ka anyonogi gi tienda!’

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Jeremia 51:36

Kuom mano Ruoth Nyasaye wacho ni jo-Jerusalem niya, “Abiro doknu mondo achul kuor ni jo-Babulon nikech un, kendo abiro twoyo kuonde ma pi Babulon aye, mi aduon aorene.

Ezekiel 30:12

Anaduon aora Nael, mi aket Misri e lwet joma richo, kendo jopinje mamoko noketh pinyno duto. An Ruoth Nyasaye ema awacho kamano.”

Zekaria 10:11

Ka ging’ado nam Misri, to apaka nokue. Adier, kuonde matut duto mag aora Nael noduon. Sunga ma jo-Asuria sungorego nodwok piny, kendo loch mar Misri norum.

Zekaria 14:18

Bende ka jo-Misri ok odhi mi ochopo e dalano, to giniyud tuo machal gi mano ma Ruoth Nyasaye biro kelo ni oganda moro amora ma ok odhi mondo otim Sap Kiche.