Isaya 19:3 - MUMA MALER 2015

³ Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Motingʼo Loko Manyien

³ Chuny jo-Misri nonyosre kendo anaketh gik moko duto ma gichano timo; ginidwar wach kuom nyiseche mopa kod lang chunje mane osetho, ajuoke kod nyakalondo.

Isaya 19:3 ပူးပေါင်းရင်းမြစ်များ

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

2 Samuel 17:23

Kane Ahithofel oneno ni Absalom ok oluwo rieko ma nong’adone, noidho kanje, modok thurgi nyaka dalane. Nolamo gige ni joode, mi nodere, motho. Ne giyike but wuon mare.

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

Zaburi 107:27

Ne gipuore kendo gitagore ka joma omer. Riekogi duto ne ok nyal konyogi.

Zaburi 33:10

Ruoth Nyasaye rocho paro mar ogendini. Adier, omonogi timo gik ma gichano.

Zaburi 76:12

En ema omiyo jodongo bolore, kendo obwogo ruodhi madongo mag piny.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Isaya 14:27

nimar ka Ruoth Nyasaye Manyalo Gik Moko Duto ema ochano gimoro to ere ng’ama ditame, kendo ka en ema orieyo bade to ere ng’ama dimi odwok bade piny?

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 44:25

Ang’eyo jonabi mag miriambo kaachiel gi ranyisigi, bende akuodo wi ajuoke. Adwoko weche joma riek chien, kamiyo riekogi lokore gima nono.

Isaya 47:12

Dhi adhiya nyime gi yiendi gogogo, misebedo kitiyogo nyaka ne ia e nyathi, mondo waneye ane ka digikonyi, kata di gibwog ji.

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Jeremia 46:15

Ere gimomiyo Nyasachu maratego miluongo ni Apis opodho? Ruoth Nyasaye ema osegoye mopodho!

Ezekiel 21:7

To ka gipenji gima omiyo ichur, to nyisgi ni ichur nikech gima biro timore. Bende nyisgi ni e kindeno, kihondko nomakgi, kendo bedegi nowengni, mi chir ma gin go lal nono, kendo chongegi tetni. Kindeno osechopo, kendo gigo biro timore. An Ruoth Nyasaye ema awacho kamano.”

Ezekiel 22:14

Bende uparo ni pod unubed gi chir kata gi teko moro ma unyalo ting’ogo kata mana lwetu ka akumou kamano? An Ruoth Nyasaye ema asewacho kamano kendo abiro timo kaka awacho!

Daniel 1:20

E kinde akinda mane ruoth openjoe wach moro, kata mane okeloe gimoro matek manade, to ne oyudo ni yawuowi ang’wen-go ong’eyo wachno nyadipar moloyo johul wach kata ajuoke duto mae pinye.

Daniel 2:2

Kuom mano, noluongo jong’adne rieko gi jothieth gi ajuok nyakalondo kod jokor mondo obi ohulne tiend lekno. Kane gibiro mi gichung’ e nyime,

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

1 Samuel 25:37

To kinyne gokinyi, ka kong’o noserumo e wang’e, chiege nonyise weche duto, mi chunye notho ka kidi.