Isaya 19:25 - MUMA MALER 2015

²⁵ Ruoth Nyasaye Manyalo Gik Moko duto noguedhgi, ka wacho kama: “Oguedh jo-Misri ma joga, kendo oguedh jo-Asuria ma chuechna, bende oguedh jo-Israel ma gin mwanduna awuon.”

Motingʼo Loko Manyien

²⁵ Jehova Nyasaye Maratego biro gwedhogi kawacho niya, “Agwedho jo-Misri ma gin joga, jo-Asuria ma gin chwechna kod jo-Israel ma gin girkeni mara.”

Isaya 19:25 ပူးပေါင်းရင်းမြစ်များ

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 115:15

Onego Ruoth Nyasaye mane ochueyo polo gi piny guedhu.

Zaburi 138:8

Ibiro timo gik moko duto ma isesingorina. A Ruoth Nyasaye, herani mosiko ochwere, omiyo kik iwe tich ma isechako, mak itieko.

Isaya 19:24

E ndalogo, duong’ mar Israel nobed maromre gi duong’ mar Misri kod mar Asuria, kendo pinje adekgo nobed gueth e dier piny.

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Isaya 29:23

nikech ka nyikwaye oneno gima asetimo ni ogandagi, to ginimi nyinga duong’. Ee, ginidend Ng’ama Ler mar Jakobo. Adier, ginimi Nyasach Israel luor.

Isaya 45:11

An Ruoth Nyasaye ma Ng’ama Ler kendo ma Jachuech Israel awacho kama: “Bende duhedhru penja gimoro kuom nyithinda, kata nyisa gima onego atim?

Isaya 45:14

Ruoth Nyasaye owacho niya, “Jotich mag Misri gi joohala mag Nubia kod jo-Sabea ma roboche nobed e bwo lochu, mi lokre wasumbu. Adier, ginibi iru kotuegi gi nyororo, mi gikulrenu ka gimiyou duong’, kendo ka giwacho niya, ‘Chutho Nyasaye ni kodu, kendo Nyasaye moro onge. En kende e Nyasaye.’ ”

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 61:9

Nyikwau nong’ere, kendo noyud duong’ e kind ogendini. Ji duto monenogi nong’e ni un oganda ma Nyasaye oguedho.

Isaya 63:17

A Ruoth Nyasaye, ere gima omiyo iweyowa aweya, mi wabaro waweyo yoreni? Koso ang’o momiyo imiyo chunywa doko matek, mondo kik waluori? Duogi nikech wan, wan jotichni. Wan dhoudi mikwano ka mwanduni.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Isaya 65:23

Ok giniketh tekregi kayiem, bende ok gininywol nyithindo maneno masira, nimar gin, kaachiel gi nyithindgi, gin joma Ruoth Nyasaye oguedho.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Hosea 2:23

Anapidh joga e pinyni, mi anami gidhi nyime maber. Anaher joma ne iluongo ni, ‘joma ok oher,’ kendo anawach ni joma iluongo ni, ‘joma ok joga,’ ni un joga, mi ginidwoka niya, ‘In Nyasachwa.’ ”

Zekaria 8:13

Un jo-Juda kod jo-Israel, usebedo ranyisi malong’o ni ogendini mamoko duto kuom gima timore ni joma akuong’o, to koro abiro resou, mi ubed ranyisi mar gima timore ni joma aguedho. Kuom mano kik ubed maluor, to beduru gi chir.”

Kwan 24:1

Koro kaka Balaam nong’eyo ni Ruoth Nyasaye dwaro ni mondo oguedh jo-Israel, ne ok odhi mondo otim tim ajuoke, kaka ne osetimo mokwongo, to nowichore mochomo thim,

Kwan 6:24

‘Ruoth Nyasaye mondo oguedhu kendo oritu,

Kwan 6:27

Kamano e kaka ginihul nyinga ni jo-Israel kendo anaguedhgi.”

Jo-Rumi 3:29

Uparo ni Nyasaye en mana Nyasach jo-Yahudi kende koso? Donge en Nyasach joma ok jo-Yahudi bende? Adier en Nyasach joma ok jo-Yahudi bende.

Jo-Galatia 6:15

Kata ka oter ng’ato nyangu, kata ka ok oter, to mano ok gimoro, to gima dwarore en mana ni mondo ng’ato ochue chwech manyien.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”