Isaya 19:12 - MUMA MALER 2015

¹² Koro in Farao, ere jogi mariek, mondo obi opuonji kendo omi ing’e gima Ruoth Nyasaye Manyalo Gik Moko Duto osechano timo e Misri?

Motingʼo Loko Manyien

¹² Koro ere jogi mariekgo? Koro ginyisiane mondo ingʼe gima Jehova Nyasaye Maratego chano timo ne Misri.

Isaya 19:12 ပူးပေါင်းရင်းမြစ်များ

Isaya 14:24

Ruoth Nyasaye Manyalo Gik Moko Duto osekuong’ore kawacho niya, “Gima aseparo biro timore mana kaka asechano. Adier, kaka asechano e kaka notimre.

Isaya 44:7

To ka ng’ato paro ni rom koda, to mondo ochung’ ane owach kamano. Onego ohul gik manyalo nyiso ni owacho adiera, nikech kane ginyalo koro gik mane otimore chon, to kara nyaka bed ni ginyalo hulo gik ma koro eka biro timore!

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Jeremia 2:28

Koro ere nyiseche gogo mane uloso? Ka un e chandruok, to mondo okonyu ane, ka ginyalo konyou! Un jo-Juda, un gi nyiseche mang’eny.

Obadia 1:8

Ruoth Nyasaye owacho niya, “Chieng’ ma nakum piny Edom, anatiek jogi mariek, mi onge rieko ma nodong’ e piny gode mag Esau.

Jo-Rumi 9:17

Nyasaye wacho ni Farao e Muma niya, “Ne aketi ruoth mana ni mondo gima atimoni omi ji ong’e kaka tekona duong’, kendo mondo humba olandre e piny ngima.”

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?

Jong’ad Bura 9:38

Eka Zebul nopenje niya, “Koro ere wecheni ma nyocha isungorigo ka? Ok in ema nyocha ipenjo ni ere gima omiyo dwabed e bwo ng’at ma Abimelekni? Donge magi e joma nyocha icharo? Koro dhiyo iked kodgi!”