Isaya 18:7 - MUMA MALER 2015

⁷ E ndalogo, ogandano noter chiwo e nyim Ruoth Nyasaye Manyalo Gik Moko Duto. Gin ji maboyo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo. Ginikel chiwogo e got Sayun, kama ji lamoe Ruoth Nyasaye Manyalo Gik Moko duto.

Motingʼo Loko Manyien

⁷ E kindeno chiwo noter e nyim Jehova Nyasaye Maratego koa kuom oganda ma roboche, kendo ma dendgi poth, moluor kuonde duto, oganda ma tokgi tek mawacho dhok mopogore kendo ma pinygi aore opogo. Chiwogi nokel ewi Got Sayun kama Nying Jehova Nyasaye Maratego nitie.

Isaya 18:7 ပူးပေါင်းရင်းမြစ်များ

2 Weche mag Ndalo 32:23

Ji mang’eny nobiro Jerusalem, ka gikelo ni Ruoth Nyasaye mich, kendo Hezekia ruodh Juda bende ne gimiyo gik ma nengogi tek, kendo chakre kanyo ogendini duto nomiye duong’.

Zaburi 68:32

Weruru ni Nyasaye un ogendini mag piny. Ee, weruru wende pak ni Ruoth Nyasaye.

Isaya 16:1

Ruodhi mag Moab noor chiwo mag rombe Jerusalem, ka gin Sela e thim.

Isaya 18:2

Pinyno oro joote kaluwo aora Nael gi yiedhi mohondhi gi odundu. Un joote ma jong’wech, doguru ir jou, gin ji maboyo kendo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo.

Isaya 18:4

To Ruoth Nyasaye nosewachona kama: “Abiro rango piny gie polo kar dakna, ka ayueyo mos, mana kaka piny kue mos ka chieng’ liet, kata ka tho omoko gokinyi e ndalo keyo.

Isaya 45:14

Ruoth Nyasaye owacho niya, “Jotich mag Misri gi joohala mag Nubia kod jo-Sabea ma roboche nobed e bwo lochu, mi lokre wasumbu. Adier, ginibi iru kotuegi gi nyororo, mi gikulrenu ka gimiyou duong’, kendo ka giwacho niya, ‘Chutho Nyasaye ni kodu, kendo Nyasaye moro onge. En kende e Nyasaye.’ ”

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”

Habakuk 1:7

Gin joma ger marach, kendo gitimo mana gima gin ema gidwaro to onge ng’ama geng’ogi.

Zefania 3:10

Joga malama kendo moke loka aora mag Ethiopia, nobi kakelona mich.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mathayo 2:11

Ne gidonjo e ot, mi gineno nyathino gi Maria min mare, eka ne gigoyo chonggi piny, mi gimiye duong’. Bang’e ne gigolo mwandu mane gibirogo, mi gimiye dhahabu gi ubani kod manemane, ma gin yien moko mang’ue ng’ar.