Isaya 18:3 - MUMA MALER 2015

³ Un ji duto modak e piny, unune koting’ bandeche lweny malo ewi gode, kendo unuwinj ka tung’ ywak.

Motingʼo Loko Manyien

³ Un ji duto manie piny, un mudak e piny, ka bandech lweny otingʼ malo ewi gode, to ununene kendo ka turumbete noywagi to unuwinje.

Isaya 18:3 ပူးပေါင်းရင်းမြစ်များ

Zaburi 50:1

Ruoth Nyasaye ma Nyasach nyiseche wuoyo, kaluongo piny duto, chakre yo wuokchieng’ nyaka yo podho chieng’.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 11:12

Eka enoting’ bandera malo mondo obed ranyisi ni ogendini, mi ochok jo-Israel mane oriemb e pinygi, kendo ochok jo-Juda moke, kogolo e tung’ piny gi tung’ piny.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Isaya 13:4

Winjuru kaka koko mar oganda mang’ongo gore ewi gode! En koko mar ogendini ma chokore kaa e pinje mopogore opogore. Ruoth Nyasaye Manyalo Gik Moko Duto choko oganda mang’ongo mar lwenyno.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 31:9

Kihondko nomak jodonggi, mi dhier nono, kendo jotendgi mag lweny bende kibaji nogo ma ok nyal ringo. Mano e wach maradier mar Ruoth Nyasaye, ma maye omoki Sayun. Adier, maye ng’ang’ni Jerusalem.

Isaya 49:22

Ruoth Nyasaye wacho niya, “Koro abiro chungo bendera kaka ranyisi mondo aluonggo ogendini mi gibiro kelo nyithindi ka giting’o e korgi kod e gokgi.

Isaya 5:26

Mano omiyo obiro ting’o bandera kaka ranyisi ma ogwelo oganda moro modak kuma bor. Obiro luongogi mondo giwuogi e tung’ piny, kendo gibiro biro piyopiyo ka giringo,

Isaya 7:18

“E ndalogo, Ruoth Nyasaye noluong jolwenj Misri modak kuonde ma aora Nael ochakoree, kod jolweny mag Asuria.

Jeremia 22:29

“Yaye, piny, piny! Winjuru wach Ruoth Nyasaye.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

Mika 6:2

Un gode, kendo un mise mochwere mag piny, winjuru weche ma Ruoth Nyasaye dwaro yalo, nikech en gi bura gi joge, kendo obiro yalo kodgi.

Mika 6:9

Luoro Ruoth Nyasaye en rieko. Ruoth Nyasaye luongo jo-Jerusalem niya, “Winjuru, un joma ochokore e dalani.

Zekaria 9:14

Ruoth Nyasaye biro thinyore ewi joge malo, kendo obiro chielo asere mage ka mil polo. Obiro goyo tung’, mi odhi gi ahiti moa milambo.

Mathayo 13:16

“To un, un johawi, nikech wengeu neno, kendo itu winjo wach.

Mathayo 13:9

Eka Yesu notieko kawacho niya, “Ng’at man gi it mar winjo, to mondo owinji.”