Isaya 18:2 - MUMA MALER 2015

² Pinyno oro joote kaluwo aora Nael gi yiedhi mohondhi gi odundu. Un joote ma jong’wech, doguru ir jou, gin ji maboyo kendo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo.

Motingʼo Loko Manyien

² ma oro jootene ka ngʼado nam gi yiedhi mohondhi gi oundho. Dhiuru, un joote ma tiendgi yot ir oganda ma roboche kendo ma dendgi poth, moluor kuonde duto, oganda ma tokgi tek mawacho dhok mopogore, kendo ma pinygi aore opogo migawo.

Isaya 18:2 ပူးပေါင်းရင်းမြစ်များ

2 Weche mag Ndalo 14:9

Zera ja-Kush nomonjogi kod jolweny tara achiel, kod geche lweny mia adek, mochopo nyaka Maresha.

2 Weche mag Ndalo 16:8

Donge jo-Kush gi jo-Libia ne gin oganda maduong’ man gi geche gi joidh farese mang’eny ahinya? To Ruoth Nyasaye nochiwogi e lweti, nimar nigeno kuome,

Ayub 9:26

Ngimana kadho ka yie ma jang’wech, kendo ringo matek mana ka ongo ma yudho gweno.

Wuok 2:3

To kane koro ok onyal medo pande, nokawo adita mochwe gi togo, mi omwono gi lop chwech kod odok, mondo kik chwer. Nopielo nyathi ei aditano, eka nokete ei togo e bath aora Nael.

Isaya 18:7

E ndalogo, ogandano noter chiwo e nyim Ruoth Nyasaye Manyalo Gik Moko Duto. Gin ji maboyo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo. Ginikel chiwogo e got Sayun, kama ji lamoe Ruoth Nyasaye Manyalo Gik Moko duto.

Jeremia 49:14

Jeremia nowacho niya, “Aseyudo wach moa kuom Ruoth Nyasaye ni oseoro jaote mondo onyis ogendini kama: ‘Chokuru ogendu mag lweny, kendo uikru monjo Edom.’

Ezekiel 30:9

“Ka ndalono ochopo, kendo Misri osekethi, to anaor joote gi yiedhi mondo odhi obwog jo-Ethiopia ma odak gi kue, mi ginibed gi kihondko malich. Adier, ndalono biro!”

Obadia 1:1

Magi e weche mane Ruoth Nyasaye owacho ni Obadia e fweny kuom jo-Edom. Ruoth Nyasaye oseoro jaotene ir ogendini, kowacho niya, “Biuru mondo wadhi waked gi jo-Edom.” Kendo wasewinjo wachne.

Habakuk 1:7

Gin joma ger marach, kendo gitimo mana gima gin ema gidwaro to onge ng’ama geng’ogi.

Luka 10:19

To ng’euru ni asemiyou teko duto mag Jasigu, kendo onge gima nohinyu ngang’!