Isaya 17:9 - MUMA MALER 2015

⁹ E ndalogo miechu mochiel motegno nodong’ nono, mi kethre, mana ka miech jo-Hivi gi jo-Amor mane giweyo ka jo-Israel obiro.

Motingʼo Loko Manyien

⁹ E kindeno miechgi madongo mochiel motegno, mane giweyo nikech jo-Israel, biro chalo gi kuonde mojwangʼ motimo bunge kod buya kendo giduto ginidongʼ gunda.

Isaya 17:9 ပူးပေါင်းရင်းမြစ်များ

Isaya 17:10

Mano notimre nimar wiu ne owil gi Nyasaye mane oresou. Adier, ne ok uparo lwanda ma en kar konyruoku. Emomiyo, kata ka upidho cham mabeyo mondo umigo nyisecheu manono duong’,

Isaya 17:8

Ok ginichak giket genogi kuom kende-mag-liswa, ma lwetgi ema oloso, kata kuom gimoro amora ma gin giwegi ema giseloso, bed ni en sirni milamo, kata kende mag ubani.

Isaya 27:10

To dala ma ochiel motegno nodong’ gunda. Enobed dala mojwang’ maonge ng’ama odakie, kendo nolokre thim. Jamni nokwa kuno, ka chamo bede yien.

Hosea 10:14

lweny biro buko jou, mi miechu mochiel motegno nokethi. Enochal gi kinde mane ruoth Shalman okethoe dala mar Betharbel gi lweny, monego kata mana mine gi nyithindgi.

Amos 7:9

Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Mika 5:11

Anaketh miechu, mi amuk kuondeu duto mochiel motegno mag siro lweny.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Mika 7:13

To piny nokethre, mi lokre thim, nikech timbe maricho mag joma odakie.